Hünärmenler Grenlandiýada çalt ereýän buzlaryň deňiz derejesiniň ýokarlanmagynyň esasy sebäpleriniň biridigini belleýärler. Geçirilen ölçeglere görä, soňky döwürde sebitdäki buzuň ereýşi artypdyr. Grenlandiýadaky buzlaryň eremegi tutuş dünýä ummanlarynyň ýokarlanmagyna täsir edýär. Kembrij uniwersitetiniň ýolbaşçylygyndaky halkara alymlar topary buz örtüginiň astyndaky ýylylyk çeşmesiniň buzuň eremegine sebäp bolýandygyny ýüze çykardy. Bu ýerdäki buzluklar gaty çalt hereket edip we süýşüp bilýärler. Hünärmenler munuň Grenlandiýanyň buz örtüginiň dinamiki hereketine düşünmegi we geljekdäki üýtgeşmeleri çaklamagy kynlaşdyrýandygyny aýdýarlar. Gözlegçiler Antarktida bilen deňeşdirilende, Grenlandiýada buzuň deformasiýasynyň hakykatdan hem çaltdygyny, ereýän suwuň mukdarynyň köpdügini aýdýarlar.
