UEFA Ýewropa Ligasynyň pleý-off tapgyrynda Barselona myhmançylykda Napoliden üstün çykyp, ýaryşy dowam etdirmäge hukuk gazandy. Eýýäm 1-nji ýarymda 3 gol geçiren katalonlaryň adyndan Ýordi Alba (8), Frenki de Ýong (13), Žerar Pike (45) hem-de Pier-Emerik Obameýang (59) tapawutlandy. Insinýe we Politanonyň gollary Napoli toparyna ýeterlik bolmady. Şeýlelikde, 1-1 tamamlanan 1-nji duşuşygyň jogap oýnunda 4-2 ýeňiş gazanan Barselona 1/8 finalda oýnar.
Birinji oýunda 3-1 ýeňiş gazanan Sewilýa myhmançylykda Dinamo Zagrebden 1-0 utulsa-da, ispan kluby 1/8 finala çykdy. Öz meýdançasynda Bragany 2-0 ýeňen Şerif myhmançylykda esasy wagtda şol hasap bilen utuldy. Penaltilerde 3-2 öňe saýlanan Braga ýaryşy dowam etdirer.
1/8 finalyň bijeleri şu gün çekiler.
Dinamo Zagreb – Sewilýa: 1-0 (1-3)
Olimpiakos – Atalanta: 0-3 (1-2)
Real Sosiedad – Leipsig: 1-3 (2-2)
Napoli – Barselona: 2-4 (1-1)
Betis – Zenit: 0-0 (3-2)
Reýnjers – Borussiýa Dortmund: 2-2 (4-2)
Braga – Şerif: 2-0 (0-2) /pen. 3-2/
Lasio – Porto: 2-2 (1-2)
