Italiýanyň Kubogy ýaryşynda ýarym finalyň 2-nji duşuşygy oýnaldy. Öz meýdançasynda Ýuwentusy kabul eden Fiorentina güýçli garşydaşyndan 1-0 asgyn geldi. Ýuwentus toparyna ýeňiş getiren ýeke-täk goly 90+2-nji minutda Lorenzo Wenuti ýalňyşlyk bilen öz derwezesinden girizipdi. Wenuti duşuşygyň 2-nji ýarymyň başynda Odriozolanyň ornuna oýna giripdi. Şeýlelikde, Ýuwentus 1-0 hasabynda ýeňiş bilen dolanyp, finala çykmak ugrunda uly mümkinçilik gazandy. Duşuşykda Fiorentina statistika görkezijileri boýunça turinlilerden ep-esli öňe saýlansa-da, hasapda 1-0 ýeňildi. Bu ýarym finalyň jogap oýny 21-nji aprelde Turinde oýnalar.
