Gazagystanyň futbol çempionatynda ildeşimiz Gurban Berdiýewiň tälim berýän topary “Kaýrat” öz meýdançasynda “Aktobe” toparyny 2-0 hasabynda ýeňip, täze möwsüme ýeňiş bilen başlady. Ildeşimiziň tälimçiligindäki toparyň gollarynyň ikisini hem Hose Kante geçirip, ol 67-nji (penalti) we 86-njy minutlarda tapawutlandy.
Ýeri gelende aýtsak, çempionatyň başlamazyndan 3 gün öň, Gazagystanyň Super Kubogy duşuşygynda kubogyň eýesi “Kaýrat” bilen çempion “Aktobe” duşuşdy. Çekeleşikli geçen oýunda “Aktobe” 2-1 hasabynda ýeňiş gazanypdy.
