Şwesiýaly ýeňil atletikaçy, Olimpiýa çempiony Armand Duplantis öz rekordyny täzeledi. syrykly bökmegiň täze ýyldyzy hasaplanýan Duplantis Serbiýanyň paýtagty Belgradda geçirilen “The Belgrade Indoor Meeting – a World Indoor Tour Silver” bäsleşigiň çäginde 6,19 metr beýige böküp, öz rekordyny ösdürmegi başardy. Bu onuň yzly-yzyna 3-nji rekordy bolup, ol 2020-nji ýylyň fewralynda Torun şäherinde 6,17 metre, bir hepde soňam Glazgoda 6,18 metre böküp, yzly-yzyna rekordlar goýupdy. Ýeri gelende aýtsak, 22 ýaşyndaky türgen 18-20-nji mart aralygynda Belgradda geçiriljek ýeňil atletika boýunça ýapyk desgadaky Dünýä çempionatyna hem gatnaşar.
