Ýewropa Konferensiýa Ligasynda Žoze Mourinionyň tälim berýän topary Roma 1/8 finalyň 1-nji duşuşygyny myhmançylykda geçirdi. Niderlandlaryň Witesse toparyny 1-0 hasabynda ýeňen rimliler Italiýa ýeňiş bilen dolandylar. Roma toparyna ýeňiş getiren ýeke-täk goly 45+1-nji minutda klubuň gyşky transfer möwsüminde Portodan transfer eden ýarymgoragçysy Seržio Oliweiro geçirdi. Ýöne Oliweiro 70-nji minutda sary kart aldy. Bu wakadan 8 minut soň ol 2-nji sary kartyny hem alyp, gyzyl kart bilen meýdançadan çykaryldy. Ýer eýeleri galan wagtda eden hüjümlerinden netije alyp bilmedi. Şol pursatlarda Romanyň derwezeçisi Rui Patrişio erjel oýun görkezdi.
