Katarly işewür Nasser Al-Helaifiniň eýeçiligindäki PSŽ-niň UEFA Çempionlar Ligasynda Real Madridden utulyp, ýaryşdan çykmagynyň gürrüňleri dowam edýär. PSŽ-niň ozalky oýunçylaryndan, häzirki wagtda RMC Sport-yň teswirleýijisi bolup işleýän Žeremi Roten toparyň utulmagynda Messi bilen Neýmary günäkärleýär. Ol Messini mekirlikde aýyplaýar. Rotten: Men Messi bilen Neýmary ýeňlişiň baş jogapkärleri hökmünde hasaplaýaryn. Jogapkärçiligi alyp-almazlyk olaryň özüne bagly. Olar toparyň nyşanlary, Leonardo olary şol sebäpden kluba goşdy. Iki oýunda-da özüni görkezen diňe Mbappe boldy. Messi geleni bäri mekirlik edýär. Dogry bu sözi Leo hakynda sarp edýänim üçin utanýaryn, ýöne bu hakykat” diýip, çykyş etdi.
