Metawers tehnologiýasy fiziki dünýä bilen hyýaly älemi duşuşdyrmagyny dowam etdirýär. Maltada Marija atly dünýäniň ilkinji hyýaly raýaty tanyşdyryldy. Internetiň mundan soňky täzeligi boljak metawers tehnologiýasy köpleriň ünsüni çekýär. Maltanyň Syýahatçylyk we sarp edijileriň goralmagy ministrliginiň guramagynda geçirilen “Sanly syýahatçylyk ýol kartasy: 2030” atly maslahatda hyýaly raýatlyk maksatnamasynyň ýola goýlandygy mälim edildi. Şeýlelikde syýahatçylyk pudagynda ilkinji gezek hyýaly raýatlykdan peýdalanyldy. Hyýaly raýatlygy alan Marija atly zenan maltalylara meňzeş edilip döredilipdir. Ilki suraty çekilen zenanyň şekili üç ölçegli görnüşi getirilipdir. Marija Maltanyň medeniýeti we taryhy barada köp maglumatlary bilýär. Şeýlelikde, ol bu ýurda barjak myhmanlara ýolbelet bolup hyzmat eder. Hünärmenler entek döredilenine bir aý wagt geçen Marijanyň öwrenmegini dowam etdirjekdigini belleýärler. Ol eýýäm birden köp dil öwrenipdir. Tanyşdyrylyş dabarasynda Marijanyň adamlar bilen söhbetdeş bolup bilýändigi, soraglaryna jogap berip bilýändigi, hatda degişip hem bilýändigi aýdyldy.
