Ýene-de Messisiz we Ronaldosyz çärýek final

UEFA Çempionlar Ligasyny bu ýyl hem ýaryşyň iň köp gol geçiren iki futbolçysy, super ýyldyzlar Kristiano Ronaldo bilen Lionel Messi gazanyp bilmezler. Geçen hepdede PSŽ-niň Real Madridden utulmagyndan soň Lionel Messi bu möwsümde-de çärýek finalyň daşynda galypdy. Mançester Ýunaýtediň hem öz meýdançasynda Atletiko Madridden utulmagyndan soň Kristiano Ronaldo hem çärýek finalyň bosagasyndan ädim ädim bilmedi. Şeýlelikde, iki super ýyldyz soňky 2 ýyldan bäri çärýek finala hem çykyp bilenok. Ronaldo bolsa eýýäm 3-nji möwsüminde 1/8 finaldan yzyna gaýdýar.