“Tesla” kompaniýasynyň Ýewropadaky ilkinji zawody Germaniýanyň Berlin şäheriniň golaýynda açyldy. Açylyş dabarasyna Germaniýanyň kansleri Olaf Şolz, ykdysadyýet ministri Robert Habek we “Tesla”-nyň baş direktory Ilon Mask gatnaşdy. Bu ýerde ýylda 500 müňe çenli awtoulag öndürmegi meýilleşdirýär.
Mask 2019-njy ýylyň noýabr aýynda täze zawod gurmak meýilnamasyny yglan edipdi. Täze zawodyň ady “Gigafactory 4” diýlip atlandyrylýar. Ýewropadaky täze desgada elektroulaglar üçin batareýalar we beýleki ätiýaçlyk şaýlary öndüriler. “Tesla Model 3” we “Tesla Model Y” awtoulaglary öndüriler.
Bu önümçilik desgasy kompaniýanyň dünýädäki iň uly 5-nji zawodydyr. Bu ýerde öndürilen ilkinji 30 sany “Model Y” ulagy müşderilere ýetirildi. Ulagyň bahasynyň 63 müň 990 ýewrodygy mälim edildi.
Iki ýylda gurlup gutarylan zawodda awtoulag we awtoulag batareýalary öndürilýär. Önümçilik desgasyny gurmak üçin 5 milliard ýewro sarp edilipdir.
