Ysraýylly hünärmenler ilkinji kwant kompýuterini döredendiklerini mälim etdiler. Bu barada ýurduň Weýzmann bilim instituty habar berýär. Adaty kompýuterden tapawutlylykda kwant bitleri birwagtyň özünde birden köp ýerde bolup bilýärler. Bu bolsa hasaplaýyş işleri geçirilende has ýokary tizligi üpjün edýär. Ýokary tehnologiýanyň döredilen täze kompýuteriň güýjüniň bäş kubitdigi mälim edildi. Bilermenler topary laboratoriýada has uly kompýuteriň gurluşygyny hem dowam etdirýärler. Ol kompýuteriniň güýji bolsa 64 kubite barabar bolar. Institutyň bilermenleri mundan ozal Hytaýyň Bilim we tehnologiýa uniwersiteti hem-de “Google” kompaniýasy tarapyndan gurlan kompýuterleriň şowly netije berendigini belleýärler.
Maksuda Jumanýazowa,
Türkmen döwlet maliýe institutynyň talyby
