Meşhur suratkeş Wan Goguň eserleri Kanadadaky galereýalaryň birinde adaty bolmadyk ýagdaýda sanly ulgama geçirildi. Şeýlelikde, onuň suratlarynyň içinde “gezelenç etmäge” mümkinçilik döredildi. Suratkeşiň belli suratlary Toronto şäherindäki galereýanyň diwarlaryna sanly ulgam arkaly serpikdirildi. Şeýlelikde, suratlar hakyky ýaly bolup görünýär. Bu ýere gelýänleriň özlerini otluk meýdanda, günebakarlaryň arasynda ýa-da ýyldyzly asmanyň astynda asuda gijede ýaly duýýarlar. Şeýle bolansoň, sungaty başgaça usul arkaly hödürleýän sergini görmäge isleg bildirýänleriň sany hem köp.
Niderlandly suratkeş Winsent Wan Gog 37 ýaşynyň içinde jemi 2100 surat we çyzgy döredipdir. Sungaty öwrenijiler suratkeşiň “Arlesdäki ýatakhana”, “Günebakarlar”, “Ýyldyzly gije” we “Irisler” ýaly eserlerine okary baha berýärler.
Enar Orazmyradowa,
Türkmen döwlet maliýe institutynyň talyby
