Türkiýäniň çempionaty “Süper Ligde” hem çempion belli bolup, tutuş möwsümde başdan-aýak birinjiligi özünde saklan “Trabzonspor” taryhy çempionlyk gazandy. Öz meýdançasynda “Antalýaspor bilen 2-2 deňme-deň oýnap, 2-nji ýerdäki “Fenerbahçeden” 9 utuk öňe saýlandy we wagtyndan öň çempion boldy. Bu ýeňiş “Trabzonsporyň” 38 ýyldan soň gazanan ilkinji çempionlygydyr. “Trabzonspor” topary soňky gezek 1984-nji ýylda çempion bolup, olar şu wagta çenli 7 gezek çempionaty birinji orunda tamamlamagy başardylar (1975/76, 1976/77, 1978/79, 1979/80, 1980/81, 1983/84, 2021/22).
