Koreýa Respublikasynyň hökümeti aragatnaşygyň 6-njy nesliniň 2030-njy ýylda söwda maksatly görnüşiniň taýýar boljakdygyny mälim etdi. Häzirki wagtda “Samsung” hem-de LG kompaniýalary bu ugurda işleýär. Häzirki synaglarda aragatnaşygyň soňky nesli arkaly 100 metre çenli maglumat geçirip bolýar. Ýurduň hökümeti 5G torlarynyň ýerine ulanyljak altynjy nesle degişli mobil tehnologiýalaryň ösdürilmegi üçin maksatnama taýýarlady. Maksatnama laýyklykda aragatnaşygyň 6-njy nesliniň 2026-njy ýyla çenli nusgalyk görnüşiniň, 2028-2030-njy ýyllar aralygynda täjirçilik maksatly görnüşiniň taýýar edilmegi göz öňünde tutulýar.
Aragatnaşygyň 5-nji nesli 2019-njy ýylda taýýar bolan hem bolsa, häzirki wagtda diňe käbir ýurtlaryň iri şäherlerinde bar.
Ogulgerek Kowşutowa, Türkmen döwlet maliýe institutynyň talyby
