Geçen möwsümi “Interde” geçiren çilili futbolçy Arturo Widal öz yklymy Günorta Amerika dolandy. Onuň Braziliýanyň “Flamengo” topary bilen 2023-nji ýylyň dekabryna çenli şertnama baglaşandygy habar berildi. 35 ýaşyndaky oýunçy täze klubundan ýyllyk 3,6 million ýewro hak alar. Ol brazil klubunda 32-nji belgili köýnekçäni geýer. Soňky 15 ýylda Ýewropanyň “Baýer”, “Ýuwentus”, “Bawariýa”, “Barselona”, “Inter” ýaly güýçli klublarynda çykyş eden Widal yklymyň öňdebaryjy 3 çempionatynda (“Serie A”-da 5, “Bundesligada” 3, “La Ligada” 1) jemi 9 gezek çempionlyk gazandy. Ol Çiliniň ýygyndysy bilenem 2 sapar Kopa Amerikanyň çempiony boldy.
