Ispaniýanyň “Real Madrid” toparynyň braziliýaly ýyldyzy Kazemiro Angliýanyň “Mançester Ýunaýted” toparyna geçer. Oýunçynyň geçjekdigini “Realyň” tälimçisi Karlo Ançelotti hem tassyklap, onuň öz gelen netijesidigini we oňa hormat goýýandygyny aýtdy. “The Athletic”-iň habar bermegine görä, 30 ýaşyndaky Kazemiro iňlis kluby bilen 4 ýyllyk şertnama baglaşar. Oýunçynyň transfer tölegi hökmünde-de “Ýunaýted” topary “Reala” 60+10 million ýewro berer. “Real Madridde” 9 möwsüm çykyş eden Kazemiro 336 oýunda 31 gol geçirdi. Ol 30 we 30 ýaşdan ýokary bolan futbolçylaryň arasynda iň gymmat 2-nji transfer hökmünde hasaba alyndy. Bu ugurda 1-nji ýeri 105 million ýewro bilen Kazemironyň öňki hem-de täze topardaşy Kristiano Ronaldo eýeleýär.
