Norwegiýada 1-0 ýeňen “Bodo-Glimt” toparyna ýaryşy dowam etdirmek başartmady. Taryhy başarnygyň bosagasyndan gaýdan “Bodo-Glimt” topary myhmançylykda Horwatiýanyň “Dinamo Zagreb” klubundan goşmaça wagtda 4-1 utuldy. Duşuşygyň esasy wagty 2-1 tamamlandy. Orsiç (4) bilen Petkowiçiň (35) 1-nji ýarymdaky gollaryna 2-nji ýarymda Gronbek (70) jogap berdi. 2 oýnuň netijesi boýunça hasap 2-2 bolup, ýeňiji goşmaça wagtda kesgitlenmeli boldy. Goşmaça wagtyň hem agramly bölegini myhmanlar hüjümde geçirse-de, garşydaşyna garanyňda tejribesi köpräk bolan horwatlar soňky minutlarda norweg toparynyň goragçylarynyň gödek ýalňyşlygyndan ýerlikli peýdalandy. 117-nji minutda Drmiç, 120-nji minutda-da Boçkaý zagreblileri 8-nji gezek Çempionlar Ligasynyň toparçalaryna çykaran oýunçylar boldy. Geçen möwsümde Ýewropa Konferensiýa Ligasynda şowly çykyş eden “Bodo-Glimt” topary Ýewropa Ligasynyň toparçalarynda çykyş eder.
“Bodo-Glimt” topary ýeňiş gazanan ýagdaýynda 15 ýyldan soň Çempionlar Ligasynda bir norweg topary hem gatnaşardy. Ilkinji gezek gatnaşjak “Bodo-Glimt” ýaryşyň taryhyndaky 148-nji klub bolardy.
