Demir ýol ulaglaryny öndürýän “Alstom” kompaniýasy önümçilige taýýar ýagdaýdaky otlusyny tanyşdyrdy. Kompaniýanyň La Roşel şäherindäki önümçilik desgasynda tanyşdyrylan jemgyýetçilik ulagynyň 2024-nji ýylda Fransiýada ulanmaga beriljekdigi mälim edildi. Otlynyň tizligi sagatda 350 kilometre ýätýär. 2034-nji ýyla çenli bu otlynyň ýurduň ähli ýerinde hereket etjekdigi habar berilýär. Ilkinji nobatda, Fransiýada ulanyljak otlular soňlugy bilen beýleki ýurtlara hem satylar. Bir otly düzümi 740 orunlyk bolar. Ýolagçy otlulary adatça, iň köp 634 orunlyk bolýar. Şeýlelikde, täze otly häzirki ýolagçy otlularyndan 20 göterim köp ýolagçy kabul edip biler. Bu taslama Fransiýada 4000 adamy iş bilen üpjün eder. Kompaniýa ýurduň içerki bazarynda 100, halkara bazardan 15 otly sargyt aldy.
Ogulnabat Gurbanowa, S.A.Nyýazow adyndaky Türkmen oba hojalyk uniwersitetiniň talyby
