Güýz fes­ti­wal­la­ry

Daý­han­la­ryň zäh­me­ti­niň mi­we­si­ni eçil­ýän güýz pas­ly do­wam ed­ýär. Bu pa­syl özü­niň tyl­la­ýy öwüş­gi­ni, my­la­ýym ho­wa­sy bi­len bag­ty­ýar­lyk duý­gu­la­ry­ny dö­red­ýär. Bu, me­ge­rem, güýz pas­ly­nyň aja­ýyp te­bi­ga­ty, ha­syl­la­ryň ýyg­na­lyp, ekin meý­dan­la­ryn­da işiň aza­ly­şy, şeý­le hem gy­şa taý­ýar­lyk gör­mek bi­len bag­la­ny­şyk­ly bol­sa ge­rek. Güýz pas­lyn­da ir­ki dö­wür­ler­den bä­ri bir­nä­çe baý­ram­çy­lyk­lar bel­le­ni­lip ge­lin­ýär. Bu baý­ram­çy­lyk­lar­da adam­lar bir­nä­çe aý­lap çe­ken zäh­met­le­rin­den soň, dynç alyp­dyr­lar. Hä­zir­ki wagt­da hem dün­ýä­niň dür­li kün­je­gin­de güýz­ki güý­men­je­ler ge­çi­ril­ýär. Ga­ze­ti­mi­ziň şu sa­nyn­da si­zi bir­nä­çe ýurt­da bel­le­ni­lip ge­çil­ýän gy­zyk­ly güýz­ki fes­ti­wal­lar bi­len ta­nyş­dyr­ma­gy ma­kul bil­dik.

«Al­bu­ker­ke» şar fes­ti­wa­ly. Ça­ga­lar üçin iň gy­zyk­ly güý­men­je­le­riň bi­ri hem «Al­bu­ker­ke» şar fes­ti­wa­ly­dyr. Bu fes­ti­wal her ýyl okt­ýabr aýy­nyň il­kin­ji ongün­lü­gin­de Mek­si­ka­nyň paý­tag­ty Me­hi­ko­da bel­le­ni­lip ge­çil­ýär. Bu fes­ti­wa­la gat­naş­mak üçin ýer­li ýa­şaý­jy­lar bi­len bir ha­tar­da dün­ýä­niň dür­li kün­je­gin­den myh­man­lar hem gel­ýär. Fes­ti­wa­lyň do­wa­myn­da müň­ler­çe ho­wa şa­ry «Bal­lo­on Fi­es­ta» se­ýil­gä­hin­den ýo­ka­ry gö­te­rilip, as­ma­nyň ýü­zü­ni owa­dan we tä­sir­li gör­nüş gur­şap al­ýar. Hem­me ki­şi bu tä­sir­li pur­sat­la­ra se­re­dip lez­zet al­ýar.

Hal­ka­ra fe­ýer­werk fes­ti­wa­ly. Gün ýa­şan­dan soň baş­lan­ýan Hal­ka­ra fe­ýer­werk fes­ti­wa­ly özü­niň saz­la­şyk­ly öwüş­gin­le­ri bi­len hem­mä­niň ün­sü­ni özü­ne çek­ýär. Bu fes­ti­wal 2000-nji ýyl­dan bä­ri Ko­re­ýa Res­pub­li­ka­sy­nyň paý­tagt şä­he­ri Se­ul­da her ýyl­da 8-9-njy okt­ýabr­da ge­çi­ri­lip ge­lin­ýär. Fes­ti­wa­lyň esa­sy meý­dan­ça­sy bo­lan «Yeoui­do» se­ýil­gä­hin­de Ita­li­ýa­nyň, Ýa­po­ni­ýa­nyň hem-de Ko­re­ýa Res­pub­li­ka­sy­nyň pi­ro­teh­ni­ki to­par­la­ry öz ba­şar­nyk­la­ry­ny gör­kez­ýär­ler. Bu fes­ti­wa­la ýyl­da, tak­my­nan, 1 mil­li­on adam gat­naş­ýar.

Ýag­ty­lyk fes­ti­wa­ly. 2005-nji ýyl­dan bä­ri Ger­ma­ni­ýa­nyň paý­tag­ty Ber­lin şä­he­rin­de bel­le­nip ge­lin­ýän ýag­ty­lyk fes­ti­wa­ly dün­ýä­niň meş­hur fes­ti­wal­la­ry­nyň bi­ri­dir. Her ýy­lyň okt­ýabr aýyn­da iki hep­dä­niň do­wa­myn­da Ber­li­niň 70-e go­laý ta­ry­hy we me­de­ni ýa­dy­gär­lik­le­ri dür­li yşyk­ly en­jam­lar bi­len be­zel­ýär. Mil­li­on­lar­ça şöh­le tö­we­re­ge ýal­kym sa­çyp, meý­dan­ça­lar­da «ja­dy­ly pur­sat­la­ry» dö­red­ýär. Fes­ti­wal möw­sü­min­de şä­he­riň gi­je­ki gör­nü­şi dö­re­di­ji­lik adam­la­ry­nyň yl­ham çeş­me­si­ne öw­rül­ýär. Bu ýyl fes­ti­wa­lyň 7-16-njy okt­ýabr ara­ly­gyn­da ge­çi­ril­me­gi­ne ga­ra­şyl­ýar.

«La Merce» fes­ti­wa­ly. Is­pa­ni­ýa­nyň Bar­se­lo­na şä­he­rin­de 1902-nji ýyl­dan bä­ri ge­çi­ri­lip ge­lin­ýän «La Merce» fes­ti­wa­ly ka­ta­lon­la­ryň mil­li baý­ra­my­dyr. «To­mus bi­len hoş­laş­ma­gyň we güý­zi gar­şy al­ma­gyň» ala­ma­ty hök­mün­de 5 gün bel­le­nil­ýän bu fes­ti­wa­lyň şu ýyl 23-26-njy sent­ýabr ara­ly­gyn­da ge­çi­ril­me­gi me­ýil­leş­di­ril­ýär. Fes­ti­wa­lyň do­wa­myn­da gi­je­ki ýö­riş­ler, kö­çe­ler­de mil­li tans­lar we ag­şa­my­na kor­re­fok­ly (uç­ga­nak­la­ýan ki­çi fe­ýer­werk) şü­we­leň­ler gu­ral­ýar. «La Merce» fes­ti­wa­ly­nyň iň esa­sy wa­ka­la­ry­nyň bi­ri Bar­se­lo­na­nyň «Pla­ça de Sant Jau­me» mer­ke­zi meý­dan­ça­syn­da ge­çi­ril­ýär. Meý­dan­ça bir­nä­çe adam top­la­nyp, olar adam di­ňi­ni (kas­tel­ler) ýa­sa­ýar­lar we çür de­pe­si­ne ki­çi­jik ça­ga­jy­gy çy­kar­ýar­lar. Mun­dan baş­ga-da, ça­ga­la­ryň iň söý­gü­li to­ma­şa­sy bo­lan «äpet adam­la­ryň ýö­ri­şi» ge­çi­ril­ýär. «La Merce» üýt­ge­şik wa­ka­la­ra baý fes­ti­wal­dyr.

Şo­ko­lad fes­ti­wa­ly. Süý­jü­lik­le­ri ha­la­ýan­lar üçin iň go­wy baý­ram­çy­lyk­la­ryň bi­ri hem Ita­li­ýa­nyň Tu­rin şä­he­rin­de ge­çi­ril­ýän şo­ko­lad fes­ti­wa­ly­dyr. 2004-nji ýyl­dan bä­ri no­ýabr aýyn­da ge­çi­ri­lip ge­lin­ýän bu fes­ti­wal­da Ita­li­ýa­dan we beý­le­ki ýurt­lar­dan ge­len 120-den gow­rak şo­ko­lad ön­dü­ri­ji­ler öz önüm­le­ri­ni köp­çü­li­ge hö­dür­le­ýär­ler. Ola­ryň ara­syn­da şo­ko­la­dyň «gi­an­du­ja», «gi­an­duiot­to», «bicerin», «nu­tel­la», «noccio­la­to fon­den­te», «lat­te» we «odil­la» ýa­ly bir­nä­çe gör­nüş­le­ri bar. Şo­ko­lad­ly ta­gam­lar­dan da­dyp gör­mek, kon­sert­le­re to­ma­şa et­mek we baý­rak­ly şo­ko­lad oýun­la­ry fes­ti­wa­lyň esa­sy wa­ka­la­ry­dyr. 1820-nji ýy­la çen­li şo­ko­lad di­ňe gyz­gyn içim­lik gör­nü­şin­de ula­ny­lyp­dyr. Az wagt­dan soň, Tu­rin­de il­kin­ji ga­ty şo­ko­lad ön­dü­ril­ýär we dün­ýä­niň beý­le­ki ýurt­la­ry­na ýaý­rap baş­la­ýar. Tu­rin köp gör­nüş­li «şo­ko­lad­la­ryň şä­he­ri» ha­sap­lan­ýar.

«Loý Krat­hong» fes­ti­wa­ly. Tai­land­da her ýyl bel­le­nil­me­gi däp bo­lan «Loý Krat­hong» fes­ti­wa­ly şu ýyl no­ýabr aýy­nyň 9-yna bo­lup ge­çer. Bu fes­ti­wal ýer­li Taý aý se­ne­na­ma­sy­nyň 12-nji aýy­nyň soň­ky ag­şa­my Phu­ket şä­he­rin­dä­ki Sa­pan Hin, Ka­ron, Nai Harn köl­le­ri­niň tö­we­re­gin­de hem-de Ra­wai Pýer ada­sy­nyň ke­na­ryn­da bel­le­nil­ýär. Bu gi­je hem­me­ler gel­jek ýy­lyň go­wy bol­ma­gy we gü­nä­ler­den sap­la­nmak üçin ar­zuw ed­ýär­ler. Ba­nan aga­jy­nyň ýap­rak­la­ryn­dan ýa­sa­lan se­bet­le­ri gül­ler bi­len be­zäp, şem ýa­kyp su­wa goý­ber­ýär­ler. Mun­dan baş­ga-da, çy­ra­sy ýal­kym saç­ýan ki­çi­jik ho­wa şar­la­ry­ny as­ma­na uçur­ýar­lar. «Uç­ýan çy­ra­lar» as­ma­ny ýag­tyl­dyp, owa­dan gör­nüş­li yşyk­lan­dy­ry­şy eme­le ge­tir­ýär. Şol gün ça­ga­lar üçin dür­li oýun­lar we ýar­mar­ka­lar hem gu­ral­ýar. Bu fes­ti­wal di­ňe bir Tai­land­da bel­le­nil­män, eý­sem, tö­we­re­gin­dä­ki ýurt­lar­da-da meş­hur­dyr.