Professor eline içi suwly bulgury alyp, öz sapagyna başlapdyr. Ol bulgury hemmeler görer ýaly derejede galdyryp, talyplara ýüzlenipdir:
– Siziň pikiriňizçe, bu bulguryň agramy näçe barka?
– 50 gram, 100 gram, 125 gram – diýip, talyplar jogap beripdirler.
– Çekip görmesem, menem onuň agramyny bilemok – diýip, professor olara ýüzlenip:
– Ýöne meniň size sowalym şeýle: Men ony häzirki saklaýşym ýaly ýene-de birnäçe minutlap saklasam, näme bolup geçer?
– Hiç zat – diýip, talyplar jogap beripdirler.
– Bolýa, eger-de men bulgury häzirki saklaýşym ýaly ýene-de bir sagat saklasam, onda näme bolar? – diýip professor sorapdyr.
– Siziň eliňiz agyryp başlar – diýip, talyplaryň biri jogap beripdir.
– Sen dogry aýdýaň, onda men ony bir günläp saklasam, näme bolarka?
– Siziň eliňiz gurşar, myşsalaryňyzyň işi bozular, ysgyndan düşüp, saglygyňyza zeper hem ýetip biler.
– Örän gowy, ýöne biz bularyň gürrüňini edip bolýançak, bulguryň agramy üýtgedimi? – diýip, professor ýene-de sorapdyr.
– Ýok.
– Eýsem, eliň agyrmagyna näme mejbur edýär we myşsalaryň işiniň bozulmagyna näme sebäp bolýar?
Talyplar aljyraňňy ýagdaýda galypdyrlar.
– Eýsem, bularyň baryny düzetmek üçin men näme etmeli?
– Bulgury goýuň! – diýip, talyplaryň biri seslenipdir.
– Dogry – diýip, professor şeýle jogap beripdir:
– Durmuşda duş gelýän ownuk-uşak meseleler hem edil şunuň ýalydyr. Olar hakda näçe pikirlenseň-de, olar senden daşlaşmaýar. Olar hakda pikir ediberseň, olar birsyhly güýjäp başlaýar. Ýene-de pikir ediberseň, olar seni tapdan düşürer. Durmuşda duş gelýän meseleler hakda pikir etmek möhümdir, ýöne, olary bir gyra aýryp goýmagy başarmak – iş gününiň ahyryna ýa-da ertirki güne goýmak has-da zerurdyr. Şeýlelikde, sen ýadamarsyň, her gün sagdyn we ruhubelent bolup, ukudan oýanarsyň! Netijede, sen durmuşda duş gelýän islendik meseläniň hötdesinden gelip bilersiň!
Terjime eden Sumbar Alyşirow,
Magtymguly adyndaky
TDU-nyň talyby.