ABŞ-nyň ozalky Prezidenti Donald Tramp täzeden ýurduň prezidentligine dalaşgär boldy. Bu barada ABŞ-nyň Federal saýlaw komitetiniň çap eden resminamasynda bellenilip geçilýär.
Şol resminanamada, Trampyň 2024-nji ýylda geçiriljek prezident saýlawlaryna gatnaşmak üçin dalaşgär hökmünde hasaba alnandygy bellenilýär.
Mälim bolşy ýaly, golaýda ABŞ-da aralyk saýlawlary geçirildi. Şol saýlawlarda Trampyň ozal wekilçilik eden Respublikan partiýasy Wekiller palatasynda üstünlik gazandy, Senatda bolsa orunlarynyň sanyny artdyrdy.
Mundan ozal Tramp täzeden dalaşgär boljakdygyny mälim edipdi. ABŞ-nyň häzirki Prezidenti Jo Baýdeniň hem ikinji möhlete dalaşgär bolmagyna garaşylýar.
Mälim bolşy ýaly, Tramp 2016-njy ýylda geçirilen saýlawlarda ýeňiş gazanyp, ABŞ-nyň 45-nji Prezidenti bolupdy.
