14-nji dekabrda Hindistanyň milli-azat ediş hereketiniň lideri Mahatma Gandiniň (1869-1948) heýkeli BMG-niň Nýu-Ýorkdaky ştab-kwartirasynda açylar. Açylyş dabarasyna Hindistanyň DIM-niň başlygy Subramaniýam Jaýşankar we BMG-niň Baş sekretary Antoniu Guterriş gatnaşar. Bu barada “Press Trust of India” habarlar gullugy mälim edýär.

Hindistanyň BMG-däki hemişelik wekili Ruçira Kamboj heýkeliň BMG-niň toplumyndaky çemenlikde oturdyljakdygyny aýtdy. Bu Nýu-Deliden Birleşen Milletler Guramasyna sowgat bolar.

Geçen hepde Hindistan Howpsuzlyk Geňeşinde başlyklygy kabul etdi. Ýadygärlik daşary işler ministri Jaýşankaryň BMG-a eden sapary wagtynda açylar.

Heýkeliň hindi heýkeltaraşy Ram Sutar tarapyndan ýasalandygy habar berilýär. Ram Sutar mundan öň dünýäniň iň uly heýkel bolan “Agzybirlik heýkeliniň” (182 metr) üstünde işläpdi. Onda belli hindi syýasatçysy we milli-azat ediş hereketiniň wekili Wallabhai Pateliň (1875-1950) keşbi şekilllendirilipdi. Ýadygärlik ýurduň Gujarat ştatynda ýerleşýär.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА