Birleşen Arap Emirlikleriniň pasporty, başga bir ýurda wizasyz giriş üçin iň uly halkara ýeňilliklerini berýän resminamalaryň sanawynda birinji ýeri eýeledi. Şeýle maglumatlary Kanadanyň “Arton Capital” konsalting kompaniýasy mälim etdi.
Kompaniýanyň maglumatlaryna görä, BAE-niň pasportynyň eýeleri wiza resmileşdirmezden 121 döwlete baryp bilýärler. 59 döwletiň wizasyny olar ýurda gelenlerinde almaly, diňe 18 döwlet giriş üçin resminamalary öňünden taýýarlamagy talap edýär.
Ikinji orny Awstriýanyň, Germaniýanyň, Italiýanyň, Ispaniýanyň, Lýuksemburgyň, Niderlandlaryň, Fransiýanyň, Finlýandiýanyň, Şweýsariýanyň, Şwesiýanyň we Günorta Koreýanyň pasportlary eýelediler. Bu ýurtlaryň raýatlary 25 döwlete gitmek üçin wiza resmileşdirmeli bolýar.
“Arton Capital” ruslaryň 78 ýurda wizasyz baryp biljekdigini, 45 ýurda barandan soň wiza talap edilýändigini, 75 ýurda barmak üçin bolsa, resminamalary öňünden taýýarlamalydygyny belledi.
