Argentinanyň çempionlygy bilen tamamlanan Katar 2022 Dünýä Kubogy iň köp gol geçirilen çempionat boldy. Çempionatda oýnalan 64 oýunda jemi 172 gol hasaba alyndy. Bu bolsa san babatda alnanda, iň köp gol geçirilen çempionat diýmekdir. Mundan öň Fransiýa 1998-de hem-de Braziliýa 2014-de 171 gol geçirilipdi. Ortaça alnanda bolsa, 2,69 gol geçirilip, bu görkeziji soňky 7 ýaryşdaky iň ýokary netije boldy. Final duşuşygy 6 gol geçirilen 5-nji final boldy. Şu wagta çenli iň köp gol geçirilen final oýny 1958-nji ýyldaky final bolup, Braziliýa Şwesiýany 5-2 ýeňipdi.
