Ispaniýanyň Şa Kubogy ýaryşynda “Barselona” toparyna 1/8 finala çykmak ýeňil düşmedi. Myhmançylykda 3-nji liganyň wekili “Intersiti Alikante” bilen duşuşan katalonlar goşmaça wagtda kynlyk ýeňiş gazanmagy başardy. Oýnuň 4-nji minutynda Ronald Arauho “Barselonany” öňe çykarsa, 59-njy minutda ozal “Barselonanyň” ýaşlar düzüminde oýnan Oriol Soldewila Puig hasaby deňledi. 66-njy minutda Usman Dembele katalonlary öňe saýlasa-da, 74-nji minutda Puig ýene-de hasaby deňlemegi başardy. 77-nji minutda Rafinýa bilen täzeden öňe geçen barselonalylar 21 ýaşyndaky Puigiň 3-nji goluna-da alaç tapyp bilmediler. Het-trik eden Puigiň gollaryndan soň duşuşygyň esasy wagty deňlikde tamamlandy. Goşmaça wagtda-da, 103-nji minutda Ansu Fati “Barselonany” 1/8 finala çykaran goly derwezä girizdi.
“Real Madridiň” “Kasarenýo” toparyny 1-0 ýeňen tapgyrynda “Atletiko Madrid” myhmançylykda “Owiedony” 2-0 hasabynda ýeňlişe sezewar etdi.
Ispaniýanyň Şa Kubogynda 1/8 finalyň bijeleri 7-nji ýanwarda çekiler.
