UEFA Ýewropa Ligasynda 1/8 finala pleý-offdan çykan Mançester Ýunaýted, Şahtýor Donesk, Ýuwentus, Roma, Baýer, Monako, Sewilýa, Union Berlin klublary toparçada 1-nji orny eýelän Arsenal, Union Sent-Žillua, Fraýburg, Ferenswaroş, Betis, Feýenoord, Real Sosiedad hem-de Fenerbahçe klublary bilen bije çekişer. Bije çekiliş dabaray şu gün 16:00-da başlar. 1/8 finalyň oýunlary 9-njy we 16-njy martda oýnalar.
Şeýle-de şu gün UEFA Ýewropa Konferensiýa Ligasynyň hem 1/8 finalynyň bijeleri çekiler. Bijede bije başy hökmünde toparçalarynda 1-nji orny eýelän klublar bolar. Olar West Ham, Nissa, AZ Alkmaar, Slowan Bratislawa, Wilýarreal, Ýurgarden, Istanbul Başakşehir hem-de Siwasspor toparlarydyr. Olar pleý-offda ýeňiş gazanan Anderleht, Gent, AEK Larnaka, Lasio, Fiorentina, Leh Poznan, Şerif hem-de Bazel klublary bilen bije çekişer. Bije çekiliş dabarasy 17:00-da başlar. 1/8 finalyň oýunlary-da 9—njy we 16-njy martda geçiriler.
