1-nji maý­da hor­mat­ly Pre­zi­den­ti­miz Gurbanguly Berdimuhamedow bi­len Öz­be­gis­tan Res­pub­li­ka­sy­nyň Pre­zi­den­ti Şaw­kat Mir­zi­ýo­ýe­wiň ara­syn­da te­le­fon ar­ka­ly söhbetdeşlik bol­dy. Iki ýur­duň Li­der­le­ri Türk­me­nis­ta­nyň we Öz­be­gis­ta­nyň dost­luk, do­gan­lyk we hoş­ni­ýet­li goň­şu­çy­lyk gat­na­şyk­la­ry­na yg­rar­ly­dy­gy­ny tas­syk­la­dy­lar. Döw­let Baş­tu­tan­la­ry ýo­ka­ry hem-de hö­kü­me­ta­ra de­re­je­le­rin­de, şol san­da Söw­da-yk­dy­sa­dy, yl­my-teh­ni­ki we me­de­ni hyz­mat­daş­lyk bo­ýun­ça hö­kü­me­ta­ra türk­men-öz­bek to­pa­ry­nyň işi­niň, şeý­le hem iki ýur­duň işe­wür to­par­la­ry­nyň du­şu­şyk­la­ry­nyň çäk­le­rin­de yzy­gi­der­li amala aşyrylýan gat­na­şyk­la­ryň äh­mi­ýe­tini nyg­ta­dy­larlar. Li­der­ler me­de­ni­ýet, sport we sy­ýa­hat­çy­lyk ul­gam­la­ryn­da ne­ti­je­li gat­na­şyk­la­ry gi­ňelt­mä­ge de­giş­li me­se­le­le­ri ara alyp mas­la­hat­laş­dy­lar we hor­mat­ly Pre­zi­den­ti­miz öz­bek kär­de­şi­ne “Awa­za” mil­li sy­ýa­hat­çy­lyk zo­la­gy­nyň sy­ýa­hat­çy­lyk müm­kin­çi­lik­le­ri­ne ba­ha ber­me­gi üçin ok­gun­ly ös­ýän de­ňiz şy­pa­ha­na­sy­na ge­lip gör­me­gi tek­lip et­di. Öz­be­gis­ta­nyň Pre­zi­den­ti hor­mat­ly Pre­zi­den­ti­mi­ziň Türk­me­nis­ta­na sa­par bi­len gel­mek ba­ra­da­ky ça­ky­ly­gy­ny ho­şal­lyk bi­len ka­bul et­di. Sa­pa­ryň möh­let­le­ri dip­lo­ma­ti­k ýol­lar ar­ka­ly yla­la­şy­lar.

Türk­men-ga­zak hyz­mat­daş­ly­gy­nyň
ok­gun­ly ösü­şi
3-nji maý­da Türk­me­nis­ta­nyň Pre­zi­den­ti Gurbanguly Berdimuhamedow Ga­za­gys­tan Res­pub­li­ka­sy­nyň Prem­ýer-mi­nist­ri­niň bi­rin­ji orun­ba­sa­ry As­kar Ma­mi­ni ka­bul et­di. Mil­li Li­de­ri­miz we Ga­za­gys­tan Res­pub­li­ka­sy­nyň Prem­ýer-mi­nist­ri­niň bi­rin­ji orun­ba­sa­ry ne­ti­je­li hyz­mat­daş­ly­gy mun­dan beý­läk-de iş­jeň­leş­dir­mek üçin bar bo­lan uly müm­kin­çi­lik­le­ri bel­läp, ta­rap­la­ryň ola­ry ne­ti­je­li dur­mu­şa ge­çir­mä­ge taý­ýar­dyk­la­ry­ny tas­syk­la­dy­lar. Söw­da-yk­dy­sa­dy, ener­ge­ti­ka, ulag-ara­gat­na­şyk we oba ho­ja­lyk ul­gam­la­ry ile­ri tu­tul­ýan ugur­la­ryň ha­ta­ryn­da gör­ke­zil­di. Şu­nuň bi­len bag­ly­lyk­da, myh­man Türk­me­nis­ta­nyň Pre­zi­den­ti­niň baş­lan­gy­jy bo­ýun­ça TOPH gaz ge­çi­ri­ji­si­niň gur­lu­şy­gy­nyň tas­la­ma­sy­nyň Ga­za­gys­tan üçin uly gy­zyk­lan­ma dö­red­ýän­di­gi­ni bel­le­di.
Şol gün paý­tag­ty­myz­da Söw­da-yk­dy­sa­dy, yl­my-teh­ni­ki we me­de­ni hyz­mat­daş­lyk bo­ýun­ça bi­le­lik­dä­ki hö­kü­me­ta­ra türk­men-ga­zak to­pa­ry­nyň no­bat­da­ky mej­li­si ge­çi­ril­di. Ta­rap­lar gep­le­şik­le­riň çäk­le­rin­de söw­da-yk­dy­sa­dy ul­ga­myn­da hyz­mat­daş­ly­gy gi­ňelt­mä­ge, öza­ra ha­ryt do­la­ny­şy­gy­nyň möç­ber­le­ri­ni art­dyr­ma­ga ýar­dam et­jek anyk ädim­le­riň bir­nä­çe­si­ni ara alyp mas­la­hat­laş­dy­lar. Söw­da-yk­dy­sa­dy, yl­my-teh­ni­ki we me­de­ni hyz­mat­daş­lyk bo­ýun­ça bi­le­lik­dä­ki hö­kü­me­ta­ra türk­men-ga­zak to­pa­ry­nyň işi­niň jem­le­ri bo­ýun­ça de­giş­li Tes­wir­na­ma gol çe­kil­di.

Ilçi işe başlady
3-nji maý­da Türk­me­nis­ta­nyň Pre­zi­den­ti Gurbanguly Berdimuhamedow Ru­my­ni­ýa­nyň Türk­me­nis­tan­da tä­ze bel­le­ni­len Adat­dan da­şa­ry we Do­ly yg­ty­ýar­ly il­çi­si So­rin Wa­si­le Mol­do­wa­ny ka­bul et­di, il­çi döw­let Baş­tu­ta­ny­my­za ynanç ha­ty­ny gow­şur­dy.
Döw­let Baş­tu­ta­ny­myz we do­ly yg­ty­ýar­ly we­kil türk­men-ru­myn hyz­mat­daş­ly­gy­nyň gel­je­gi we müm­kin­çi­lik­le­ri ha­kyn­da pi­kir alyş­dy­lar. Bu hyz­mat­daş­lyk äh­li ugur­larda, şol san­da söw­da-yk­dy­sa­dy ul­ga­myn­da gatnaşyklary has-da gi­ňelt­mek üçin uly müm­kin­çi­lik­le­re eýe­dir. Şu­nuň bi­len bir­lik­de, ener­ge­ti­ka we ulag ul­gam­la­ryn­da ta­gal­la­la­ry bir­leş­dir­mek mö­hüm bo­lup dur­ýar. Türk­me­nis­tan bu ugur­da, hu­su­san-da, ýük­le­ri da­şa­mak üçin yk­dy­sa­dy taý­dan amat­ly ugur­la­ry üp­jün ed­ýän hal­ka­ra üs­ta­şyr-ulag ge­çel­ge­le­ri­ni dö­ret­mek ba­bat­da mö­hüm baş­lan­gyç­lar bi­len çy­kyş et­di.

Ulag we lo­gis­ti­ka bo­ýun­ça
Hal­ka­ra mas­la­ha­ty
“Awa­za” mil­li sy­ýa­hat­çy­lyk zo­la­gyn­da ulag we lo­gis­ti­ka bo­ýun­ça Hal­ka­ra mas­la­ha­ty ge­çi­ril­di. Mas­la­ha­tyň işi­ne mi­nistr­lik­le­riň we pu­dak eda­ra­la­ry­nyň ýo­ka­ry we­zi­pe­li iş­gär­le­ri, Ýew­ro­pa, Azi­ýa we Ame­ri­ka ýurt­la­ry­nyň on­lar­ça­syn­dan ma­ýa­dar­lar, hal­ka­ra gu­ra­ma­la­ry­nyň, bank dü­züm­le­ri­niň, ulag, lo­gis­ti­ka we beý­le­ki kom­pa­ni­ýa­la­ryň, köp­çü­lik­le­ýin ha­bar be­riş se­riş­de­le­ri­niň we­kil­le­ri gat­naş­dy­lar. We­kil­çi­lik­li fo­rum ge­çen ýyl Aş­ga­bat­da Bir­le­şen Mil­let­ler Gu­ra­ma­sy­nyň ho­wan­dar­ly­gyn­da ge­çi­ri­len Dur­nuk­ly ulag ul­ga­my bo­ýun­ça äh­lu­mu­my mas­la­ha­tyň do­wa­my bo­lup dur­ýar we on­da be­ýan edi­len baş­lan­gyç­la­ry iş ýü­zün­de dur­mu­şa ge­çir­mä­ge gö­nük­di­ri­len­dir.

Çy­kyş eden­le­riň nyg­taý­şy ýa­ly, Awa­za gep­le­şik­le­ri Türk­me­nis­ta­nyň ulag ul­ga­my üçin mö­hüm äh­mi­ýet­li wa­ka­la­ryň bi­ri bo­lup, döw­let Baş­tu­ta­ny­my­zyň baş­lan­gyç­la­ry­ny üs­tün­lik­li dur­mu­şa ge­çir­me­giň ýo­lun­da no­bat­da­ky ädim­le­riň bi­ri bo­lar. Mas­la­ha­ta gat­na­şy­jy­lar lo­gis­ti­ka we ýük da­şa­mak ul­ga­myn­da mag­lu­mat teh­no­lo­gi­ýa­la­ry­ny hem-de IT – çöz­güt­le­ri ös­dür­mä­ge de­giş­li mö­hüm me­se­le­le­ri ara alyp mas­la­hat­laş­ma­gyň wa­jyp­dy­gy­ny bel­le­di­ler.
Türk­men ta­ra­py­nyň we­kil­le­ri­niň çy­kyş­la­ryn­da bel­le­ni­li­şi ýa­ly, ýur­du­myz gel­jek­de hem mil­li ulag ul­ga­my­ny gü­nor­ta we gün­do­gar ugur­lar­da hal­ka­ra ulag ul­ga­my bi­len bag­la­nyş­dyr­mak üçin özü­niň ulag dü­zü­mi­ni iş­jeň ös­dür­me­gi­ni do­wam eder. Mu­nuň özi Hy­taý, Hin­dis­tan, Pa­kis­tan ýa­ly kuw­wat­ly yk­dy­sa­dy me­rkez­le­re we Azi­ýa-Ýu­waş um­man se­bi­ti­niň beý­le­ki ýurt­la­ry­na çy­kal­ga­ny üp­jün eder.

Türkmen-palestin işewürler maslahaty
Şeý­le hem paý­tag­ty­myz­da türk­men-pa­les­ti­n işe­wür­ler mas­la­ha­ty ge­çi­ril­di. Pa­les­ti­na­nyň kom­pa­ni­ýa­la­ry Türk­me­nis­tan­da ma­ýa go­ýum hyz­mat­daş­ly­gy­ny ös­dür­me­gi me­ýil­leş­dir­ýär­ler. No­bat­da­ky fo­rum­da türk­men-pa­les­tin hyz­mat­daş­ly­gynyň hä­zir­ki müm­kin­çi­lik­le­ri we gel­jek­ki ösüş ugur­la­ry bo­ýun­ça gy­zyk­lan­ma bil­di­ril­ýän pi­kir alyş­ma­lar bol­dy. Işe­wür du­şu­şy­ga Pa­les­ti­na döw­le­ti­niň da­şa­ry iş­ler mi­nist­ri­niň orun­ba­sa­ry Ma­zen Şa­mi­ýa­nyň ýol­baş­çy­ly­gyn­da paý­tag­ty­my­za ge­len we­ki­li­ýe­tiň ag­za­la­ry gat­naş­dy­lar. Mas­la­hat­da bank ul­ga­myn­da ýo­la go­ýul­ýan gat­na­şyk­la­ryň ber­ki­dil­me­gi­ne aý­ra­tyn äh­mi­ýet be­ril­di. Sag­ly­gy go­ra­ýyş we der­man se­na­ga­ty türk­men-pa­les­ti­n gat­na­şyk­la­ry­nyň mö­hüm ug­ry hök­mün­de gör­ke­zil­di.
Mun­dan baş­ga-da şu hep­dä­niň çäk­le­rin­de ABŞ-nyň Pre­zi­den­ti Do­nald Tramp hem-de Ger­ma­ni­ýa Fe­de­ra­tiw Res­pub­li­ka­sy­nyň Fe­de­ral Pre­zi­den­ti Frank – Wal­ter Ştaýn­ma­ýer mil­li Li­de­ri­mi­ze hat ug­rat­dy­lar. ABŞ-nyň Pre­zi­den­ti öz ha­tyn­da Türk­me­nis­tan bi­len hyz­mat­daş­lyk gat­na­şyk­la­ry­ny ös­dür­jek­dik­le­ri­ni, Ger­ma­ni­ýa­nyň Pre­zi­den­ti bol­sa, öz ge­ze­gin­de, iki ýur­duň ara­syn­da­ky gat­na­şyk­la­ry ös­dür­mek üçin äh­li ta­gal­la­la­ry et­jek­di­gi­ni, çün­ki mu­ny mö­hüm ha­sap­la­ýan­dy­gy­ny bel­läp geç­di.
Mah­la­sy, mil­li Li­de­ri­mi­ziň ýol­baş­çy­ly­gyn­da ýur­du­myz­da al­nyp ba­ryl­ýan giň ge­rim­li öz­gert­me­ler mak­sat­na­ma­la­ry dün­ýä jem­gy­ýet­çi­li­gi­niň gyz­gyn gol­da­wy­na eýe bol­ýar. Şo­nuň üçin dün­ýä döw­let­le­ri Türk­me­nis­tan bi­len öza­ra bäh­bit­li hem-de bi­rek-bi­re­ge hor­mat goý­mak ýö­rel­ge­le­ri­ne yg­rar­ly gat­na­şyk­la­ry ýo­la goý­ma­ga uly gy­zyk­lan­ma bil­dir­ýär­ler.

Gyzykly bolup bilerЕЩЕ ОТ АВТОРА