Portugaliýaly super ýyldyz Kristiano Ronaldo täze klubuna gün geçdigiçe öwrenişýär. 38 ýaşyndaky oýunçy 18-nji tapgyrda topary “Al-Nassryň” myhmançylykda “Damak” toparyny 3-0 hasabynda ýeňen oýnunda het-trik etdi. Ronaldo 18-nji minutda penaltiden, soňra 23-nji we 44-nji minutlarda-da tapawutlanyp, 1-nji ýarymda het-trigini tamamlady. Bu onuň täze klubundaky 2-nji, karýerasyndaky 62-nji het-trigidir (52-si klublarda). Ronaldonyň täze klubundaky gollarynyň sany 8-e ýetdi.
