Az salym öň UEFA Çempionlar Ligasydna çärýek finalyň bijeleri çekildi. 2006-njy ýyldan soň ilkinji gezek italýanlaryň 3 klub bilen wekilçilik edýän çärýek finalynyň iň esasy duşuşygy, hatda wagtyndan öňki final hökmünde görülýän duşuşykda Mançester Siti bilen Bawariýa toparlary duşuşarlar. Soňky çempion Real Madrid ýene-de bir ýola Çelsi bilen bije çekişdi. Iki topar geçen ýylda-da çärýek finalda gabatlaşypdylar we myhmançylykda 3-1 ýeňip, öz meýdançasynda 3-2 ýeňilse-de, ýarym finala çykypdy.
Italýanyň Inter topary çärýek finalda başga bir portugal topary bolan Benfika bilen güýç synanyşar. Çärýek finalyň ýene bir oýnunda-da Milan ýurduň başga bir topary Napoli bilen ýarym finala çykmak üçin özara duşuşarlar.
Çärýek finalyň duşuşyklary – 1-nji oýunlar 11-12-nji aprelde, jogap oýunlary-da 18-19-njy aprelde oýnalar. Ýeňiş gazanan toparlar çekilen bijä laýyklykda 9-10-njy hem-de 16-17-nji maýdaky ýarym finalda duşuşarlar. Bu möwsümiň final duşuşygy bolsa 10-njy iýunda şenbe güni Türkiýäniň Stambul şäherindäki Atatürk Olimpiýa stadionynda oýnalar.
Çärýek finalyň bijeleri:
Real Madrid – Çelsi
Inter – Benfika
Mançester Siti – Bawariýa
Milan – Napoli
Ýarym finalyň bijeleri:
Milan/Napoli – Inter/Benfika
Real Madrid/Çelsi – Mançester Siti/Bawariýa
