Ýewropanyň öňdebayjy futbol ligalarynda milli ýygyndylar sebäpli beriljek 10 günlük arakesmeden öňki tapgyrda biri-birinden gyzykly duşuşyklar oýnalar. Şolaryň arasynda iň esasysy “El Klasiko” bolup, “Barselona” topary 26-njy tapgyryň çäginde öz meýdançasynda “Real Madridi” kabul eder. Bu olaryň arasyndaky 252-nji resmi “El Klasiko” bolup, şolarda “Real” 101, “Barselona” 99 gezek ýeňiş gazandy (52 deňlik). “Realyň” 419 goluna “Barselona” 413 gol bilen jogap berdi. “La Liganyň” çäginde bolsa 186-njy “El Klasiko” bolar we mundan öňki oýunlarda “Real” 77, “Barselona” 73 duşuşykda üstün çykdy (35 deňlik). Möwsümiň 1-nji ýarymyndaky oýunda-da “Real Madrid” 3-1 hasabynda ýeňiş gazanypdy.
Şeýle-de, Italiýada hem 2 derbi duşuşygy oýnalar. Şolaryň biri Rim derbisi bolup, 180-nji resmi duşuşykda “Roma” “Lasiony” kabul eder. “Derby d’Italia” derbisinde-de “Inter” bilen “Ýuwentus” duşuşar. 247-nji resmi “Italiýa” derbisinde “Ýuwentus” 111, “Inter” 75 gezek ýeňdi. Bu duşuşyklary ählisi-de ýekşenbe güni, 19-njy martda oýnalar.
18-nji mart:
Çelsi – Ewerton (22:30),
Borussiýa Dortmund – Köln (22:30),
Udineze – Milan (00:45),
Atletiko – Walensiýa (01:00),
19-njy mart:
Aýaçço – Monako (17:00),
Aýaks – Feýenoord (18:30),
Arsenal – Kristal Palas (19:00),
Torino – Napoli (19:00),
Union Berlin – Aýntraht (19:30),
PSŽ – Renn (21:05),
Baýer – Bawariýa (21:30),
Roma – Lasio (22:00),
Braga – Porto (23:00),
Twente – AZ Alkmaar (00:00),
Inter – Ýuwentus (00:45),
Reýms – Marsel (00:45),
Barselona – Real Madrid (01:00)
