Şu gün ýurdumyzda Türkmenistanyň Mejlisiniň deputatlarynyň, welaýat, etrap, şäher halk maslahatlarynyň, geňeşleriň agzalarynyň saýlawlary ýokary guramaçylyk derejesinde we işjeň ýagdaýda geçirilýär.
Säher bilen saýlaw uçastoklarynyň 2644-siniň ählisinde sagat 7-de ses bermek başlandy we 19-da tamamlanýar.
Ýurdumyzdaky daşary ýurtlaryň köpçülikleýin habar beriş serişdeleriniň wekilleri hem saýlawlaryň geçirilýän ýerlerine bolup, bu syýasy çäräniň barşy bilen tanyş boldular. Daşary ýurtly žurnalistler paýtagtymyz Aşgabatda birnäçe saýlaw uçastoklaryna baryp, saýlawçylaryň ses bermek işlerini ýazgy etdiler.
Soňky maglumatlara görä, Türkmenistanyň Mejlisiniň deputatlaryň saýlawlary boýunça sagat 9-a çenli saýlawçylaryň 22,01% ses berdi.
Bu saýlawlaryň dowamynda saýlaw uçastoklarynda ilkinji gezek ses beren ýaşlara höweslendiriji sowgatlar gowşuryldy. Bu bolsa, biziň ýurdumyzda ýaş nesle aýratyn ähmiýet berilýändiginiň aýdyň subutnamasydyr.
