Germaniýanyň Kubogy (DFB-Pokal) ýaryşynda ýarym finala çykan klublar belli bolup, “Bawariýadyr” “Borussiýa Dortmund” ýaryşyň daşynda galdy. Öz meýdançasynda “Fraýburgy” kabul eden “Bawariýa” soňky minutlarda ýeňlişe sezewar boldy. 19-njy minutda Apamekanonyň goly bilen öňe geçen “Bawariýa” 27-nji minutda Höfleriň goluna çäre tapyp bilmedi. 90+5-nji minutda-da eminiň bellän penaltisini dürs uran Höler “Fraýburga” ýeňiş getirdi. “Bawariýa” toparyna bassyr 3 möwsümden bäri kubok ýaryşynda finala çykmak başardanok. Münhenliler soňky 25 ýylda ilkinji gezek yzly-yzyna 3 möwsüm finalda çykyş etmezler. Kubogyň häzirki eýesi “Leipsig” öz meýdançasynda “Borussiýa Dortmunddan” Werner (22) we Orbanyň (90+8) gollary bilen 2-0 üstün çykdy. “Aýntraht” topary-da şol hasap bilen “Union Berlini” ýeňip, ýaryşdan çykardy. Frankfurtlylara ýeňiş getiren gollaryň 2-sini hem 11-nji we 12-nji minutlarda Kolo Muani öz adyna ýazdyrdy. Myhmançylykda “Nürnbergi” Millotyň 83-nji minutdaky ýeke-täk goly bilen ýeňen “Ştutgart” soňky ýarym finalçy boldy. 2-3-nji maýda oýnaljak ýarym finalyň bijeleri 9-njy aprelde çekiler.
