UEFA Çempionlar Ligasynda “Real Madridden” soň bu kubogy iň köp eýelän “Milan” ýaryş üçin Italiýa derbisi hasaplanýan duşuşykda “Napoli” bilen güýç synanyşdy. San Siroda geçirilen oýun 1-0 hasabynda “Milanyň” peýdasyna tamamlandy. Mundan 10 gün çempionatda “Napolini” myhmançylykda 4-0 ýeňen “Milanyň” ýeke-täk goluny 40-njy minutda Ismael Bennaser öz adyna ýazdyrdy. Duşuşygyň 74-nji minutynda “Napoliniň” ýarymgoragçysy Zambo Anguissa 2-nji sarydan soň gyzyl kart aldy. Çempionlar Ligasynda soňky 5 duşuşygynda 10 gol geçirip, ýeke gol hem geçirtmedik “Milan” mundan öňki 8 çärýek final tapgyrynyň 6-synda garşydaşlaryndan üstün çykyp, ýarym finalda oýnamaga hukuk gazanypdy. Jogap duşuşygy 18-nji aprelde oýnalar.
