Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de bag­ty­ýar, eş­ret­li dur­muş­da ýa­şa­ýan ra­ýat­la­ry­my­zyň mil­li däp-des­sur­la­ry­ny, ta­gat-yba­dat­la­ry­ny ber­jaý et­mä­ge äh­li müm­kin­çi­lik­ler dö­re­di­len­dir. Bu gün ýur­du­my­zyň äh­li met­jit­le­rin­de azan ses­le­ri be­lent­den ýaň­lan­ýar. Mäh­ri­ban hal­ky­myz mu­kad­des re­me­zan aýyn­da agyz bek­läp, ora­za tutýar.
Ora­za be­de­niň dynç we sag­dyn ýa­şa­ma­gy diý­mek­dir. Ora­za ada­my er­bet söz­le­ri eşit­mek­den, ga­ba­hat­ly­gy gör­mek­den, neb­se­wür­lik­den, aç­göz­lük­den go­ra­ýar. Ar­te­ri­al gi­per­to­ni­ýa, ate­rosk­le­roz, gi­po­di­na­mi­ýa, aş­ga­za­nyň ýa­ra-baş ke­se­li, süý­jü­li dia­bet ýa­ly en­çe­me ke­sel­le­riň ýü­ze çyk­ma­gy­na gar­şy gö­reş­ýär, yn­sa­ny zy­ýan­ly en­dik­ler­den daş­da sak­la­ýar.
Göz­ba­şy­ny ta­ry­hyň ga­dy­my sa­hy­pa­la­ryn­dan alyp gaýd­ýan bu mu­kad­des aý­da mu­sul­man­lar agyz bek­läp, sa­ha­wat ýo­lun­da bol­ýar­lar. Ora­za aýyn­da agyz bek­le­me­giň äh­mi­ýet­li ta­rap­la­ry örän köp­dür. Bu aýyň so­ga­by iý­mi­tiň, su­wuň, naz-nyg­mat­la­ryň ga­dyr-gym­ma­ty­ny bi­lip, ony go­ra­mak­ly­ga, is­rip et­mez­li­ge, şü­kür et­mä­ge iter­ýär. El­bet­de, şü­kür eden, to­ba eden yn­san üçin nyg­mat­lar bol­lu­gy­na hem ha­lal­ly­gy­na gal­ýar. Ora­za yn­sa­nyň neb­si­ni ter­bi­ýe­läp, sa­byr-ta­kat­ly, ka­na­gat­ly bol­ma­ga ça­gyr­ýar.
Ora­za aýy­nyň Ga­dyr gi­je­si mu­sul­man halk­la­ry üçin iň bir eý gö­rül­ýän pur­sat ha­sap­lan­ýar. Adam­lar ga­dyr gi­je­si­ni ag­zy­bir­lik­de we asu­da­lyk­da ge­çir­me­gi ha­la­ýar­lar. Bu gi­je üçin dür­li naz-nyg­mat­lar aý­ra­tyn yh­las bi­len taý­ýar­lan­ýar. Üý­şü­lip agyz açyl­ýar, soň­ra pä­him-pa­ra­sat­ly ata­la­ryň, kü­müş saç­ly ene­le­riň ha­lal­lyk, ge­çi­rim­li­lik, uly­ny sy­la­mak, ki­çä hor­mat goý­mak ýa­ly öwüt-ün­dew­le­ri diň­len­ýär. Ga­dyr gi­je­si­ne her bir maş­ga­la di­ýen ýa­ly ýö­ri­te taý­ýar­lyk gör­ýär. Dür­li-dü­men mil­li ta­gam­lar bi­şi­ri­lip, des­ter­han­lar naz-nyg­mat­lar­dan dol­du­ryl­ýar. Goň­şy-go­la­ma, do­gan-ga­ryn­da­şa içi nyg­mat­ly oka­ra, hat­da sow­gat-ser­paý iber­ýän­le­rem bar.
Gud­ra­ty Güýç­li Be­ýik Al­la­ta­ga­la ta­ra­pyn­dan ke­ra­mat­ly Gur­ha­nyň il­kin­ji aýat­la­ry­nyň ibe­ri­lip baş­la­nan Ga­dyr gi­je­si­ne sa­ha­wat­ly­ly­gyň we be­re­ket­li­li­giň mü­bä­rek gi­je­si hök­mün­de aý­ra­tyn hor­mat go­ýul­ýar. Müň­ýyl­lyk­lar­dan göz­baş al­ýan di­ni we dün­ýe­wi ýö­rel­ge­le­ri­mi­ze la­ýyk­lyk­da, bu mu­kad­des gi­jä­niň hor­ma­ty­na ag­za­çar sa­da­ka­la­ry be­ril­ýär.
Ga­dyr gi­je­si mü­bä­rek Ora­za aýy­nyň mu­kad­des gi­je­le­ri­niň bi­ri­dir. Bu ýyl Ga­dyr gi­je­si 17-nji ap­rel­den 18-nji ap­re­le ge­çil­ýän gi­jä ga­bat gel­ýär. Mu­kad­des gi­je­de na­maz oka­ma­gyň so­ga­by ga­ty ulu­dyr. Ora­za aýy­nyň sa­ha­wat­ly gün­le­rin­de hem-de Ga­dyr gi­je­sin­de amal eden ta­gat-yba­dat­la­ry­ňyz, ag­za­çar sa­da­ka­la­ry­ňyz, mer­da­na hal­kyň ag­zy­bir­li­gi we aba­dan­çy­ly­gy, Ga­raş­syz Wa­ta­nyň ber­ka­rar­ly­gy hem-de ro­waç­ly­gy üçin eden do­ga-di­leg­le­ri­ňiz Gud­ra­ty Güýç­li Be­ýik Al­la­ta­ga­la­nyň der­gä­hin­de ka­bul bol­sun!
Hä­zir­ki dö­wür­de hal­ky­my­zyň däp-des­sur­la­ry­ny do­wam et­dir­mä­ge, mil­li mi­ra­sy­ny dün­ýä ýaý­ma­ga giň ýol açyl­dy. Ora­za aýyn­da hal­ky­my­zyň agyz bek­läp, met­jit­le­re ta­ra­wa na­ma­zy­na ba­ryp, däp-des­sur­la­ry ar­ka­ýyn ýe­ri­ne ýe­tir­me­gi Ga­raş­syz­ly­gyň hal­ky­my­za eçi­len aja­ýyp mi­we­si­dir, her ýyl Ga­dyr gi­je­si my­na­sy­bet­li iş ke­si­len­le­riň gü­nä­si­niň ge­çil­me­gi sa­ha­wat­ly­ly­gyň, yn­san­per­wer­li­giň ny­şa­ny­dyr.

Döw­let­my­rat DÖW­LE­TOW,
My­rat Gar­ry­ýew adyn­da­ky Türk­me­nis­ta­nyň Döw­let luk­man­çy­lyk uni­wer­si­te­ti­niň Mik­ro­bio­lo­gi­ýa ka­fed­ra­sy­nyň mu­gal­lym-öw­re­ni­ji­si.

Gyzykly bolup bilerЕЩЕ ОТ АВТОРА