Mä­lim bol­şy ýa­ly her ýy­lyň ap­rel aýy­nyň soň­ky ýek­şen­be­sin­de tu­tuş ýur­du­myz­da Türk­men be­de­wi­niň baý­ra­my ulus ili­miz bi­len Hor­mat­ly Pre­zi­den­ti­mi­ziň da­şy­na je­bis­le­şip şat­lyk-şow­hun bi­len bel­le­nil­ýär. “Ar­ka­dag Ser­dar­ly bag­ty­ýar ýaş­lar” ýy­ly­my­zyň toý­ly men­zil­le­rin­de bel­le­nil­ýän bu şan­ly baý­ra­my bol­sa öz­bo­luş­ly­ly­gy bi­len ta­pa­wut­lan­ýar. Bu se­ne­de ýur­du­my­zyň äh­li At­çy­lyk sport top­lum­la­ryn­da, aý­law­la­ryn­da dür­li bäs­le­şik­ler ge­çi­ri­lip baý­ram­çy­ly­gyň şow­hu­ny art­ýar.
Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de, Ar­ka­dag­ly Ser­da­ry­my­zyň ta­ry­hy­my­zy öw­ren­mek­de, mil­li gym­mat­lyk­la­ry­my­za eýe çyk­mak­da, ola­ry gö­zü­mi­ziň gö­re­ji ýa­ly go­rap sak­la­mak­da be­ýik iş­ler yzy­gi­der­li ama­la aşy­ryl­ýar. Türk­me­ni älem iç­re ta­nad­ýan mil­li şaý-sep­le­ri­miz, ne­pis ha­ly­la­ry­myz, mil­li saz gu­ral­la­ry­myz bo­lan du­ta­ry­myz bi­len bir ha­tar­da, ýel­den ýüw­rük ahal­te­ke be­dew­le­ri­miz türk­men hal­ky­nyň baý me­de­ni mi­ra­sy­nyň aý­ryl­maz bir bö­le­gi­dir. Be­hiş­di be­dew­le­ri­mi­ziň özü­niň owa­dan­ly­gy, ýyn­dam­ly­gy, we­pa­dar­ly­gy, çe­ýe­li­gi, çy­dam­ly­ly­gy bi­len dün­ýä bel­li­dir. Türk­me­nis­tan döw­le­ti­miz­de hor­mat­ly Pre­zi­den­ti­mi­ziň bi­möç­ber ala­da­la­ry ne­ti­je­sin­de be­hiş­di be­dew­le­ri­miz hal­ky­my­zyň buý­san­jy­na öw­rü­lip, türk­me­niň şan-şöh­ra­ty­ny älem-ja­ha­na ýaý­ýar. Türk­me­niň kö­ňül buý­san­jy uçar ga­na­ty ha­sap­la­nyl­ýan be­hiş­di be­dew­le­riň ta­ry­hy­na ser sal­saň, onuň aňyr­syn­da as­man gi­ňiş­li­gi ýa­ly giň hem çuň ha­ky­da­nyň ýa­tan­dy­gy­ny, mer­da­na mil­le­ti­mi­ziň şan-şöh­ra­ta, ab­raý-mer­te­bä eýe bol­ma­gyn­da türk­men be­dew­le­ri­niň or­nu­nyň ulu­dy­gy­ny gör­mek bol­ýar. Türk­men hal­ky müň­ýyl­lyk­la­ra uza­ýan ta­ry­hy­nyň do­wa­myn­da en­çe­me me­de­ni we ru­hy gym­mat­lyk­la­ry dö­re­dip­dir. Bu gym­mat­lyk­lar mil­le­ti­mi­ziň te­bi­gy ze­hi­ni­niň, aňyr­dan gel­ýän me­de­ni­ýe­ti­niň, ylym-bi­li­mi­niň dün­ýä ýa­ýyl­ma­sy­dyr. Dünýäde nepisligi we us­satlygy talap edýän zatlaryň hemmesi müňýyllyklaryň do­wa­mynda döräp, asyrlardan-asyrlara kämilleşip, halkyň ruhuny, içki dünýäsini özüne siňdiripdir. Bedewiň keş­bi türk­men halkynyň ganyna, süň­ňüne şeýle bir ornaşypdyr welin, ony wasp etmedik hiç bir şahyr, hiç bir dessançy bolmandyr. Bedew türkmeniň ýow gününde ýoldaşy, toýda syrdaşy­dyr.
Türkmeniň bedewe berýän bahasy, oňa öz durmuşynda aýyrýan orny başgadyr. Biziň milletimiz aty abraý, dereje, mertebe hasaplap, be­dew­siz durmuşy göz öňüne getirip bil­mändir. Öz gözelligi we ýyndamlygy bilen meşhur bolan ahalteke bedewlerini ýe­tiş­dir­mek üçin halkymyzyň müňýyllyklaryň dowamynda kemala gelen seýisçilik mekdebiniň uly ähmiýeti bardyr. Ahalteke bedewleri dünýäde gözellikde we ýakyn ara­lyga çapmakda ýyndamlygy bilen ýaryşlarda baýrakly orunlary eýeleýärler.
Türk­men be­de­wi­niň mil­li baý­ra­my my­na­sy­bet­li has ta­pa­wut­la­nan at­şy­nas­la­ra “Türk­me­nis­ta­nyň halk at­şy­na­sy”, “Türk­me­nis­ta­nyň us­sat ha­ly­pa seý­si”, “Türk­me­nis­ta­nyň at ga­za­nan at­şy­na­sy”, di­ýen hor­mat­ly at­la­ry dö­ret­mek ba­ra­da Türk­me­nis­ta­nyň Ka­nun­la­ry­nyň ka­bul edil­me­gi türk­men hal­ky­nyň mil­li baý­ly­gy we buý­san­jy, gö­zel­li­giň aja­ýyp nus­ga­sy bo­lan be­hiş­di be­dew­le­riň dün­ýä­dä­ki at-ab­ra­ýy­ny be­len­de gö­ter­mek­de, şan-şöh­ra­ty­ny dün­ýä ýaý­mak­da at­çy­lyk spor­ty­ny we se­ýis­çi­lik sun­ga­ty­ny ös­dür­mek­de, at­la­ry ýe­tiş­dir­mek­de we ola­ryň sy­na gö­zel­li­gi­ni kä­mil­leş­dir­mek­de, türk­men at­şy­nas­lyk sun­ga­ty­ny go­rap sak­la­mak­da we gel­jek­ki ne­sil­le­ri­mi­ze ýe­tir­mek­de uly äh­mi­ýe­ti bar­dyr. Türkmenler at çapyşyklarynyň janköýerleri bolup, atlaryň seýislenmegi bilen bagly äh­li zatlara uly jogapkärçilik bilen seredipdir.
Türk­men hal­ky­nyň mil­li Li­de­ri, Gah­ry­man Ar­ka­da­gy­myz “At­da we­pa-da bar, sa­pa-da” at­ly ki­ta­byn­da: “Ahal­te­ke be­de­wi­niň şa­ny­na aý­dyl­ýan ta­ryp­ly söz­ler hem geç­mi­şiň bi­ze gal­dy­ran mi­ra­sy­dyr. Çün­ki be­dew­le­ri­mi­ziň yla­hy­dan ber­len gud­rat­dy­gy­ny du­ýa­nyň­da, ola­ry wasp edip, kal­byň joş­ýar, gur­sa­gyň gu­wanç­dan do­lup, ýü­re­giň bar­ha bat­ly gür­sül­de­ýär” di­ýip nyg­ta­ýar.
Ýe­ne-de bel­le­me­li zat­la­ryň bi­ri-de ahal­te­ke be­dew­le­ri­niň şan-şöh­ra­ty­ny di­kelt­mek­de, at­ly spor­ty we at­çy­lyk pu­da­gy­ny ös­dür­mek­de, ýaş­lar­da at­çy­ly­ga bo­lan hö­we­si dö­ret­mek­de, ola­ryň dün­ýä­dä­ki ab­ra­ýy­ny has-da ber­kit­mek­de “Ar­ka­dag Ser­dar­ly bag­ty­ýar ýaş­lar” ýy­ly­nyň şan­ly wa­ka­sy­na öw­rü­len Ahal we­la­ýa­ty­nyň mer­ke­zi eda­ra ediş mer­ke­zi bo­lan Ar­ka­dag şä­he­rin­de Aba An­na­ýew adyn­da­ky Hal­ka­ra at­çy­lyk aka­de­mi­ýa­sy­nyň dö­re­dil­me­gi­dir.
Türk­me­niň göz gu­wan­jy, ede­bi mil­li mi­ra­sy­myz bo­lan be­dew­le­ri­mi­ziň şan-şöh­ra­ty­ny giň ja­ha­na ýaý­ýan Ar­ka­dag­ly Ser­da­ry­my­zyň, Türk­men hal­ky­nyň mil­li Li­de­ri Gah­ry­man Ar­ka­da­gy­my­zyň ja­ny sag, öm­ri uzak, tut­ýan tu­tum­ly iş­le­ri he­mi­şe ro­waç­lyk­la­ra bes­len­sin!

Çow­dur Şy­hy­ýew,
Türk­me­nis­ta­nyň kär­deş­ler ar­ka­la­şyk­la­ry­nyň Da­şo­guz we­la­ýat bir­leş­me­si­niň hu­kuk gö­zeg­çi­si.

Gyzykly bolup bilerЕЩЕ ОТ АВТОРА