Hor­mat­ly Pre­zi­den­ti­mi­ziň pa­ra­sat­ly baştutanlygynda Arkadag Serdarly bag­ty­ýar ýaş­lar ýy­ly uly üs­tün­lik­le­re bes­len­ýär. Arkadagly Serdarymyzyň pä­him-paý­ha­sa esas­lan­ýan oý­la­ny­şyk­ly içe­ri we da­şa­ry sy­ýa­sa­ty­nyň ne­ti­je­sin­de Ga­raş­syz, he­mi­şe­lik Bi­ta­rap ýur­du­myz­da ama­la aşy­ryl­ýan be­ýik iş­le­re, aja­ýyp öz­gert­me­le­re, eziz Di­ýa­ry­my­zyň her gü­nü­ni be­ze­ýän aja­ýyp wa­ka­la­ra hal­ky­myz tüýs ýü­rek­den gu­wan­ýar hem-de buý­san­ýar.
Gah­ry­man Ar­ka­da­gy­my­zyň baş­lan­gy­jy bi­len mer­da­na ata-ba­ba­la­ry­my­zyň şöh­ra­ta bes­län mu­kad­des ta­ry­hy top­ra­gyn­da gu­rul­ýan Ar­ka­dag şä­he­ri ýur­du­my­zyň se­ne­na­ma ýaz­gy­sy­na tä­ze aja­ýyp sa­hy­pa bo­lup gir­ýär. Gah­ry­man Ar­ka­da­gy­my­zyň baş­lan­gy­jy hem-de şä­her gur­lu­şy­gy we bi­na­gär­lik sun­ga­ty ba­bat­da­ky ýi­ti ze­hi­ni bi­len gur­lu­şy­gy­nyň bi­rin­ji tap­gy­ry ta­mam­lan­ýan Ar­ka­dag şä­he­ri hä­zir­ki za­man ta­lap­la­ry­na la­ýyk en­jam­laş­dy­ry­lan bi­lim, sag­ly­gy go­ra­ýyş, me­de­ni­ýet eda­ra­la­ry we beý­le­ki bi­na­la­ry öz içi­ne al­ýar. Tä­ze şä­he­riň gur­lu­şy­gyn­da hä­zir­ki za­man usul­la­ry­nyň hem-de iň tä­ze teh­no­lo­gi­ýa­la­ryň ula­nyl­ma­gy «akyl­ly» şä­her kon­sep­si­ýa­sy­nyň dur­mu­şa ge­çi­ril­me­gi­ne, ila­tyň dö­re­di­ji­lik­li zäh­met çek­me­gi, oňaý­ly dynç al­ma­gy hem-de aba­dan dur­mu­şy üçin ze­rur şert­le­riň dö­re­dil­me­gi­ne gö­nük­di­ri­len­dir.
Go­laý­da ge­çi­ri­len Türk­me­nis­ta­nyň Halk Mas­la­ha­ty­nyň mej­li­sin­de bel­le­ni­li­şi ýa­ly, Gah­ry­man Ar­ka­da­gy­myz: «Akyl­ly» şä­he­riň in­no­wa­si­on tas­la­ma­sy dün­ýä­niň we mil­li bi­na­gär­li­giň, be­ze­giň, teh­no­lo­gik üp­jün­çi­li­giň iň go­wy nus­ga­sy­ny özün­de jem­le­ýär. Ar­ka­dag şä­he­ri­ni türk­men gur­lu­şyk­çy­la­ry gur­dy» di­ýip bel­le­di.
Ýa­kyn­da Ar­ka­dag şä­he­ri­niň hu­kuk ýag­da­ýy­ny, şo­nuň ýa­ly-da we­zi­pe­le­ri­ni ama­la aşyr­ma­gy bi­len bag­ly­lyk­da döw­let hä­ki­mi­ýet eda­ra­la­ry­nyň işi­niň hu­kuk, gu­ra­ma­çy­lyk we beý­le­ki esas­la­ry­ny kes­git­le­ýän «Ar­ka­dag şä­he­ri ha­kyn­da» Türk­me­nis­ta­nyň Ka­nu­ny ka­bul edil­di. Şol ka­nun­da Ar­ka­dag şä­he­ri­niň hu­kuk ýag­da­ýy Ga­raş­syz we Bi­ta­rap Türk­me­nis­ta­nyň üs­tün­lik­le­ri­ni gör­kez­ýän do­lan­dy­ryş-çäk bir­li­gi hök­mün­de, şo­nuň ýa­ly-da türk­men hal­ky­nyň kö­pa­syr­lyk ta­ry­hy tej­ri­be­si­niň we döw­let gur­lu­şyn­da hal­ka­ra tej­ri­be­si­niň hä­zir­ki za­man me­ýil­le­ri­niň esa­syn­da ýur­dy ös­dür­me­giň uzak möh­let­le­ýin gel­je­gi­niň aý­ra­tyn äh­mi­ýe­ti­ne la­ýyk­lyk­da bel­le­nil­ýär.
Bu ka­nun­çy­lyk na­ma­sy ýur­du­myz­da il­kin­ji ge­zek döw­let äh­mi­ýet­li şä­her de­re­je­si­ne eýe bo­lan Ar­ka­dag şä­he­ri­niň peý­da bol­ma­gy­na giň müm­kin­çi­lik­ler dö­ret­di. Ar­ka­dag şä­he­ri hä­zir­ki za­man şä­her­gur­lu­şyk ýö­rel­ge­le­ri­ne do­ly ga­bat gel­ýär. Dün­ýä­de hä­zir­ki dö­wür­de tä­ze­çil teh­no­lo­gi­ýa­ly şä­her­le­riň gu­rul­ma­gy­na uly äh­mi­ýet be­ril­ýär. Ol hem «ýa­şyl» yk­dy­sa­dy­ýe­te we teh­no­lo­gi­ýa esas­lan­ýan şä­her­ler­dir. Ine, Ar­ka­dag şä­he­ri­nde hem şeý­le aý­ra­tyn­lyk­la­ryň äh­li­si göz öňünde tutulan.
Ar­ka­dag şä­he­rin­de elekt­ro­bus­la­ryň we elekt­ro­mo­bil tak­si­le­riň işi ýo­la goý­lar. Şun­da bu ul­gam­la­ryň saz­la­şyk­ly he­re­ke­ti­ni üp­jün et­mek mak­sa­dy bi­len, he­re­ket saz­laý­jy yşyk­la­ryň, aw­to­du­ral­ga­la­ryň işi­ne san­ly ul­gam or­naş­dy­ry­lar. Mu­nuň özi saz­la­şyk­ly he­re­ke­ti hem-de şä­her ila­ty we onuň myh­man­la­ry üçin ýo­ka­ry de­re­je­li hyz­mat­la­ryň el­ýe­ter­li bol­ma­gy­ny üp­jün eder.
Hä­zir­ki wagt­da Ar­ka­dag şä­he­ri, ha­ky­kat­dan-da, tu­tuş Mer­ke­zi Azi­ýa­da we se­bit­de il­kin­ji bi­na edi­len «akyl­ly» şä­her­dir. Çün­ki on­da «akyl­ly» şä­her­le­re mah­sus bo­lan howp­suz­lyk, «ýa­şyl» şä­her, «akyl­ly» ulag ul­ga­my, «akyl­ly» gaz, suw we elekt­rik ul­gam­la­ry hem-de «akyl­ly» şä­her hyz­mat­la­ry göz öňün­de tu­tu­lan­dyr.

Kuw­wat DUR­DY­ÝEW,
Türkmen döwlet binagärlik-gurluşyk institutynyň talyby.

Gyzykly bolup bilerЕЩЕ ОТ АВТОРА