9-njy iýul­da Öz­be­gis­tan­da no­bat­dan da­şa­ry Pre­zi­dent saý­law­la­ry ge­çi­ri­ler. Bu ba­ra­da döw­let Baş­tu­ta­ny­nyň met­bu­gat sek­re­ta­ry Şer­zod Asa­dow mä­lim et­di. – Öz­be­gis­tan Res­pub­li­ka­sy­nyň Pre­zi­den­ti­niň ka­ra­ry bi­len ýurt­da no­bat­dan da­şa­ry Pre­zi­dent saý­law­la­ry şu ýy­lyň 9-njy iýu­lyn­da me­ýil­leş­di­ril­ýär – di­ýip, Asa­dow bel­le­di.
Öz­be­gis­ta­nyň döw­let Baş­tu­ta­ny par­la­men­tiň iki pa­la­ta­sy­nyň baş­lyk­la­ry we ýur­duň jem­gy­ýet­çi­li­gi­niň we­kil­le­ri bi­len ge­çi­ri­len du­şu­şyk­da çy­kyş edip, no­bat­dan da­şa­ry Pre­zi­dent saý­law­la­ry­nyň ze­rur­dy­gy­ny bel­le­di. Onuň pi­ki­ri­çe, bu Kons­ti­tu­si­ýa öz­gert­me­le­ri ýur­duň hä­ki­mi­ýet­le­ri­niň öňün­de goý­lan sy­ýa­sy, dur­muş we yk­dy­sa­dy me­se­le­le­riň gaý­ra­go­ýul­ma­syz işi bi­len bag­la­ny­şyk­ly­dyr.
Mir­zi­ýoýew go­laý­da Öz­be­gis­tan­da no­bat­dan da­şa­ry Pre­zi­dent saý­law­la­ry­na ge­çir­mä­ge yg­ty­ýar ber­ýän ka­nu­na gol çek­di. Res­mi­na­ma Mej­li­siň Ka­nun çy­ka­ry­jy (aşa­ky) pa­la­ta­sy ta­ra­pyn­dan ka­bul edil­di, Se­nat (ýo­kar­ky pa­la­ta) ta­ra­pyn­dan ma­kul­lan­dy we 8-nji maý­da güý­je gir­di.
30-njy ap­rel­de Öz­be­gis­tan­da Pre­zi­den­tiň möh­le­ti­niň bäş ýyl­dan ýe­di ýy­la çen­li uzal­dyl­ma­gy­ny göz öňün­de tut­ýan we Mir­zi­ýo­ýe­we yzy­gi­der­li iki möh­let­den soň bu we­zi­pä gaý­ta­dan saý­lan­ma­gy­na müm­kin­çi­lik ber­ýän Kons­ti­tu­si­ýa­nyň tä­ze gör­nü­şi bo­ýun­ça äh­lu­mu­my re­fe­ren­dum ge­çi­ril­di. MSK-niň mag­lu­mat­la­ry­na gö­rä, re­fe­ren­du­ma gat­na­şan­la­ryň sa­ny 84,54%-den ýa-da 16,6 mil­li­on­dan gow­rak adam­dan yba­rat bol­dy. Olar­dan 15 mil­li­on­dan gow­rak adam (90,21%) Kons­ti­tu­si­ýa­nyň re­je­le­nen gör­nü­şi­ne ses ber­di.
65 ýaş­ly Mir­zi­ýoýew 1989-njy ýyl­dan bä­ri ýur­da ýol­baş­çy­lyk eden ozal­ky li­der Ys­lam Ka­ri­mow ara­dan çy­kan­dan soň 2016-njy ýyl­da möh­le­tin­den öň ge­çi­ri­len saý­law­lar­da Pre­zi­dent saý­lan­dy. Şol saý­law­lar­da Mir­zi­ýo­ýew ses­le­riň 88,61%-ini ga­zan­dy. 2021-nji ýy­lyň okt­ýabr aýyn­da ge­çi­ri­len Pre­zi­dent saý­law­la­ryn­da bol­sa, Mir­zi­ýo­ýew 80,12% ses alyp, ikin­ji möh­le­te saý­lan­dy.

Gyzykly bolup bilerЕЩЕ ОТ АВТОРА