31-nji maý­da Türk­me­nis­ta­nyň Da­şa­ry iş­ler mi­nist­ri­niň we­zi­pe borç­la­ry­ny wagt­la­ýyn ýe­ri­ne ýe­ti­ri­ji W.Ha­ji­ýew ÝHHG-niň Baş sek­re­ta­ry Hel­ga Şmid bi­len du­şuş­dy.
Du­şu­şy­gyň do­wa­myn­da sy­ýa­sy we yk­dy­sa­dy ugur­lar­da, ener­ge­ti­ka we eko­lo­gi­ýa howp­suz­ly­gy, par­la­ment dip­lo­ma­ti­ýa­sy­ny ös­dür­mek we yn­san­per­wer­lik me­se­le­le­rin­de Türk­me­nis­tan bi­len ÝHHG-niň ara­syn­da­ky hyz­mat­daş­ly­gyň ösü­şi­niň hä­zir­ki ýag­da­ýy we gel­jek­ki müm­kin­çi­lik­le­ri ara al­nyp mas­la­hat­la­şyl­dy.
Türk­men ta­ra­py, Türk­me­nis­ta­nyň hal­ka­ra gu­ra­ma­la­ry bi­len hyz­mat­daş­ly­gy­nyň çä­gin­de ÝHHG bi­len uzak möh­let­le­ýin we ne­ti­je­li hyz­mat­daş­ly­gyň aý­ra­tyn or­ny eýe­le­ýän­di­gi­ni bel­le­di. Şol bir wag­tyň özün­de, gu­ra­ma­nyň işi­niň sy­ýa­sy, yk­dy­sa­dy we yn­san­per­wer­lik öl­çeg­le­rin­dä­ki mak­sat­la­ry we we­zi­pe­le­ri, Türk­me­nis­tan­da we Mer­ke­zi Azi­ýa se­bi­tin­de dur­mu­şa ge­çi­ril­ýän tas­la­ma­la­ry we mak­sat­na­ma­la­ry kes­git­le­mek­de Türk­me­nis­tan üçin ile­ri tu­tul­ýan ugur­lar­dyr.
Soň­ky wagt­lar­da Türk­me­nis­tan bi­len ÝHHG-niň ara­syn­da ener­ge­ti­ka we eko­lo­gi­ýa howp­suz­ly­gy, ulag ara­bag­la­ny­şy­gy ýa­ly mö­hüm ugur­lar­da hyz­mat­daş­ly­gyň yzy­gi­der­li ös­ýän­di­gi ka­na­gat­lan­ma bi­len bel­len­di.
Ter­ror­çy­ly­ga, ser­he­ta­şa je­na­ýat­çy­ly­ga, ne­şe ga­çak­çy­ly­gy, adam söw­da­sy­na, zor­luk­ly ekst­re­miz­me we ra­di­ka­li­za­si­ýa how­pu­na gar­şy gö­reş­mek­de ÝHHG bi­len sy­ýa­sy öl­çeg­de ga­za­ny­lan ne­ti­je­li hyz­mat­daş­lyk bel­len­di. Şol bir wag­tyň özün­de, ki­ber­howp­suz­lyk pu­da­gyn­da bi­le­lik­dä­ki hyz­mat­daş­ly­gy güýç­len­dir­mek gel­je­gi uly ugur hök­mün­de gör­ke­zil­ýär.
Dip­lo­mat­lar soň­ky ýyl­lar­da Türk­me­nis­ta­nyň Par­la­ment As­samb­le­ýa­sy, Mil­li az­lyk­lar bo­ýun­ça Ýo­ka­ry ko­mis­sa­ryň eda­ra­sy, De­mok­ra­tik eda­ra­lar we adam hu­kuk­la­ry bo­ýun­ça býu­ro­sy we Ha­bar be­riş se­riş­de­le­ri­niň azat­ly­gy bo­ýun­ça we­ki­li ýa­ly ÝHHG-niň gu­ra­ma­la­ry bi­len gat­na­şyk­la­ry­nyň örän iş­jeň­leş­di­ri­len­di­gi ba­ra­da yla­laş­dy­lar.
Hal­ka­ra we se­bit sy­ýa­sa­ty, se­bit­dä­ki howp­suz­lyk we dur­nuk­ly­lyk me­se­le­le­ri bi­len bag­ly pi­kir al­şyl­dy. Şu­nuň bi­len bag­ly­lyk­da, gu­ra­ma­nyň ýol­baş­çy­la­ry se­bit we hal­ka­ra inf­rast­ruk­tu­ra tas­la­ma­la­ry­ny dur­mu­şa ge­çir­mek hem-de Ow­ga­nys­ta­na ne­ti­je­li yn­san­per­wer kö­me­gi ber­mek ar­ka­ly Türk­me­nis­ta­nyň goň­şy ýurt­da­ky ýag­da­ýy çöz­mek we pa­ra­hat­çy­ly­gy di­kelt­mek ug­run­da­ky ta­gal­la­la­ry­na ün­si çek­di.
Baş sek­re­tar, Türk­me­nis­ta­nyň Bi­ta­rap­lyk sy­ýa­sa­ty­nyň se­bit­de we dün­ýä­de pa­ra­hat­çy­ly­gy, howp­suz­ly­gy we dur­nuk­ly ösü­şi üp­jün et­mek­dä­ki or­nu­ny bel­läp geç­di. Hu­su­san-da, Türk­me­nis­ta­nyň ÝHHG-niň ile­ri tu­tul­ýan ugur­la­ry bi­len bag­la­ny­şyk­ly ener­ge­ti­ka we eko­lo­gi­ýa howp­suz­ly­gy, dur­nuk­ly ulag we suw dip­lo­ma­ti­ýa­sy ba­bat­da­ky baş­lan­gyç­la­ry­nyň äh­mi­ýe­ti gör­ke­zil­di.
Söh­bet­deş­lik­de W.Ha­ji­ýew Türk­me­nis­ta­nyň Ha­zar deň­zi se­bi­tin­de “ýa­şyl” port­la­ryň ös­dü­ril­me­gi­ni we öza­ra bag­la­ny­şy­gy, san­ly­laş­dyr­ma­gy, söw­da amal­la­ry­ny ýe­ňil­leş­dir­me­gi hem-de Mer­ke­zi Azi­ýa­da we Kaw­kaz­da ulag-lo­gis­ti­ka ugur­la­ry­ny gol­da­ýan­dy­gy­ny aýt­dy.
Şeý­le hem yn­san­per­wer ugur­da Türk­me­nis­tan­da­ky Adam hu­kuk­la­ry bo­ýun­ça yg­ty­ýar­ly we­kil­ha­na­sy­nyň üs­ti bi­len ÝHHG bi­len hyz­mat­daş­ly­gyň ös­dü­ril­me­gi­ni do­wam et­dir­ýän­di­gi bel­le­nil­di.
ÝHHG-niň Aş­ga­bat­da­ky mer­ke­zi bi­len al­nyp ba­ryl­ýan bi­le­lik­dä­ki mak­sat­na­ma­la­ry we tas­la­ma­la­ry Türk­me­nis­tan­da üs­tün­lik­li dur­mu­şa ge­çir­me­giň äh­mi­ýe­ti­ne aý­ra­tyn üns be­ril­di.

Gyzykly bolup bilerЕЩЕ ОТ АВТОРА