Şu hep­dä­niň do­wa­myn­da ýur­du­my­zyň sy­ýa­sy dur­mu­şyn­da uly wa­ka­lar bo­lup geç­di. Bir­le­şen Mil­let­ler Gu­ra­ma­sy­nyň (BMG) şu ýy­lyň ýan­war aýyn­da we­zi­pe­si­ne gi­ri­şen tä­ze Baş sek­re­ta­ry An­to­niu Gu­ter­reş paý­tag­ty­myz­da sa­par­da bol­dy. Be­lent mer­te­be­li myh­man ýur­du­my­za üçün­ji ge­zek gel­ýär. Ýö­ne Baş sek­re­tar we­zi­pe­sin­de il­kin­ji sa­pa­ry­ny ama­la aşyr­dy. Mun­dan ozal, BMG-niň bos­gun­la­ryň işi ba­ra­da­ky Ýo­ka­ry ko­mis­sa­ry bo­lup iş­län döw­rün­de 2 ge­zek Türk­me­nis­tan­da bo­lup­dy.
Hor­mat­ly Pre­zi­den­ti­mi­ziň alyp bar­ýan pa­ra­sat­ly we öň­den­gö­rü­ji­lik­li da­şa­ry sy­ýa­sa­tyn­da hal­ka­ra gu­ra­ma­lar bi­len, hu­su­san-da BMG bi­len gat­na­şyk­la­ra uly äh­mi­ýet be­ril­ýär. Türk­me­nis­tan bi­len BMG-niň ara­syn­da­ky däp bo­lan hyz­mat­daş­lyk gat­na­şyk­la­ry tä­ze ösü­şe eýe bo­lup, baý ma­ny-maz­mu­na eýe bol­ýar.
Hä­zir­ki wagt­da Türk­me­nis­tan BMG-niň bir­nä­çe to­par­la­ry­nyň, ko­mi­tet­le­ri­niň hem-de ge­ňeş­le­riň ag­za­sy bo­lup, ola­ryň çäk­le­rin­de de­giş­li hal­ka­ra işi­ni alyp bar­ýar.
Ine, şu ys­ny­şyk­ly, öza­ra bäh­bit­li hem-de bi­rek-bi­re­ge yna­nyş­mak ýö­rel­ge­le­ri esa­syn­da al­nyp ba­ryl­ýan gat­na­şyk­la­ryň ýo­ka­ry de­re­je­le­re çyk­ýan döw­rün­de BMG-niň Baş sek­re­ta­ry An­to­niu Gu­ter­reş ýur­du­myz­da sa­par­da bol­dy. Ol “Oguz­han” köşk­ler top­lu­myn­da hor­mat­ly Pre­zi­den­ti­miz Gurbanguly Berdimuhamedow bi­len gep­le­şik­ler ge­çir­di.
Hor­mat­ly Pre­zi­den­ti­miz be­lent mer­te­be­li myh­ma­ny hem-de onuň ýa­nyn­da­ky we­ki­li­ýe­tiň ag­za­la­ry­ny myh­man­sö­ýer türk­men top­ra­gyn­da tüýs ýü­rek­den mü­bä­rek­läp we ýur­du­my­za ge­lip gör­mä­ge ça­ky­ly­gy ka­bul eden­di­gi üçin min­net­dar­lyk bil­di­rip, şu ýyl Türk­me­nis­ta­nyň Bir­le­şen Mil­let­ler Gu­ra­ma­sy­na gir­me­gi­niň 25 ýyl­ly­gy­nyň bel­le­nil­me­gi ba­bat­da BMG-niň Baş sek­re­ta­ry­nyň sa­pa­ry­nyň aý­ra­tyn äh­mi­ýe­ti­ni bel­le­di. Pur­sat­dan peý­da­la­nyp, döw­let Baş­tu­ta­ny­myz BMG bi­len giň möç­ber­li hem-de uzak möh­let­li hyz­mat­daş­ly­gyň ýur­du­my­zyň üýt­gew­siz stra­te­gik ug­ry bo­lup dur­ýan­dy­gy­ny tas­syk­la­dy.
Mil­li Li­de­ri­mi­ziň bel­leý­şi ýa­ly, biz BMG bi­len howp­suz­lyk ul­ga­myn­da, dur­nuk­ly ösüş me­se­le­le­rin­de, ener­ge­ti­ka, ulag, eko­lo­gi­ýa ul­gam­la­ryn­da, de­mok­ra­tik ins­ti­tut­la­ry ös­dür­mek­de hem-de ber­ka­rar et­mek­de hyz­mat­daş­lyk ed­ýä­ris. Şeý­le hem hä­zir­ki wagt­da Türk­me­nis­tan bi­len BMG-niň öza­ra gat­na­şyk­la­ry­nyň gün ter­ti­bin­de dur­nuk­ly ulag, ener­gi­ýa howp­suz­ly­gy, ter­ror­çy­ly­ga gar­şy gö­reş­mek, ýa­rag­syz­lan­mak, Dur­nuk­ly Ösüş Mak­sat­la­ry­ny ýe­ri­ne ýe­tir­mek ýa­ly we beý­le­ki stra­te­gik ugur­lar dur­ýar. Bu ul­gam­lar­da hyz­mat­daş­lyk uzak­ möh­let­le­ýin hä­si­ýe­te eýe­dir, ol yzy­gi­der­li esas­da, ahyr­ky ne­ti­je ba­bat­da meň­zeş ýö­rel­ge­ler hem-de ga­ra­ýyş­lar esa­syn­da al­nyp ba­ryl­ýar. 2016-njy ýy­lyň no­ýabr aýyn­da Aş­ga­bat­da BMG bi­len bi­le­lik­de Dur­nuk­ly ulag ul­ga­my bo­ýun­ça äh­lu­mu­my mas­la­hat ge­çi­ril­di. Onuň ne­ti­je­le­ri bo­ýun­ça ka­bul edi­len Aş­ga­bat Be­ýan­na­ma­sy bu ugur­da BMG-ä ag­za döw­let­le­riň bi­le­lik­dä­ki gel­jek­ki he­re­ket­le­ri üçin esa­sy ýö­rel­ge­le­ri kes­git­le­di.
Şu­nuň bi­len bir­lik­de, mil­li Li­de­ri­miz Türk­me­nis­ta­nyň gel­jek­de hem BMG bi­len ener­ge­ti­ka howp­suz­ly­gy hem-de dur­nuk­ly ener­ge­ti­ka bo­ýun­ça hyz­mat­daş­lyk et­me­gi mak­sat edin­ýän­di­gi­ni nyg­ta­dy. Türk­me­nis­tan bu me­se­le bo­ýun­ça BMG bi­len iş­jeň hyz­mat­daş­ly­gy do­wam eder we şu­nuň bi­len bag­ly­lyk­da, BMG-niň Baş sek­re­ta­ry­nyň ýar­dam ber­me­gi­ne we gol­da­wy­na umyt ed­ýär. Ow­ga­nys­tan­da­ky sy­ýa­sy ýag­da­ýyň ka­da­laş­dy­ryl­ma­gy hem mö­hüm me­se­le bo­lup gal­ýar. Ow­gan hal­ky­na ýa­ra­şy­ga gel­mek we yla­la­şyk ga­zan­mak üçin ha­ky­ky ýar­dam ber­mek ze­rur­dyr. Oňa di­ňe pa­ra­hat­çy­lyk­ly ýol bi­len, gep­le­şik­ler ar­ka­ly ýe­tip bo­lar. Bu me­se­lä­niň baş­ga­ça çöz­gü­di ýok­dur di­ýip, hor­mat­ly Pre­zi­den­ti­miz aýt­dy.
Ter­ror­çy­ly­ga gar­şy ne­ti­je­li gö­reş bi­ziň ýur­du­my­zyň BMG bi­len hyz­mat­daş­ly­gy­nyň örän mö­hüm we­zi­pe­si bo­lup dur­ýar. Döw­let Baş­tu­ta­ny­myz bu­lar ba­ra­da aýt­mak bi­len, Aş­ga­bat­da BMG-niň Baş sek­re­ta­ry­nyň gat­naş­ma­gyn­da BMG-niň ter­ror­çy­ly­ga gar­şy Äh­lu­mu­my stra­te­gi­ýa­sy­ny dur­mu­şa ge­çir­mek bo­ýun­ça BMG-niň we Mer­ke­zi Azi­ýa­nyň ara­syn­da ýo­ka­ry de­re­je­li du­şu­şy­gyň ge­çi­ril­jek­di­gi­ni bel­le­di. Bu ba­bat­da ter­ror­çy­ly­gyň ýü­ze çyk­ma­gy­nyň se­bäp­le­ri­ni ara­dan aýyr­ma­ga gö­nük­di­ri­len yla­la­şyk­ly he­re­ket­le­ri iş­läp taý­ýar­la­mak bu ba­bat­da mö­hüm we­zi­pe bo­lup dur­ýar. Hu­su­san-da, gür­rüň dün­ýä­niň ol ýa-da beý­le­ki se­bit­le­rin­de dur­nuk­ly dur­muş-yk­dy­sa­dy ösüş üçin, ila­tyň iş bi­len üp­jün­çi­li­gi, onuň bi­li­me we me­de­ni­ýe­te hem-de beý­le­ki­le­re el­ýe­ter­li­li­gi şert­le­ri­ni dö­ret­mek ba­ra­da gid­ýär.
2017 – 2019-njy ýyl­lar üçin bi­ziň ýur­du­myz Ara­ly ha­las et­mek bo­ýun­ça Hal­ka­ra gaz­na­sy­na baş­lyk­lyk et­mek we­zi­pe­si­ni ka­bul et­di di­ýip, hor­mat­ly Pre­zi­den­ti­miz aýt­dy we hä­zir­ki wagt­da Aral deň­zi bo­ýun­ça de­giş­li Mak­sat­na­ma­nyň üç tap­gy­ry­nyň ýe­ri­ne ýe­ti­ri­len­di­gi­ni we onuň dör­dün­ji tap­gy­ry­nyň üs­tün­de iş­le­nil­ýän­di­gi­ni bel­le­di.
Soň­ra döw­let Baş­tu­ta­ny­myz, tiz wagt­da, şu ýy­lyň sent­ýabr aýyn­da Aş­ga­bat­da Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň ge­çi­ril­jek­di­gi­ni bel­le­di. Bu oýun­lar mä­lim bol­şy ýa­ly, Mer­ke­zi Azi­ýa­nyň ta­ry­hyn­da şeý­le de­re­je­de ge­çi­ril­ýän il­kin­ji ýa­ryş­lar bo­lar. Bu bäs­le­şik­le­re Azi­ýa­nyň 45 ýur­dun­dan tür­gen­ler bi­len bir ha­tar­da Okea­ni­ýa­nyň 19 döw­le­tin­den tür­gen­le­riň hem il­kin­ji ge­zek gat­naş­ýan­dy­gy oýun­la­ryň aý­ra­tyn­ly­gy­dyr.
Biz bu ýa­ryş­la­ra di­ňe bir sport ba­bat­da däl, eý­sem, jem­gy­ýet­çi­lik-sy­ýa­sy ba­bat­da hem uly äh­mi­ýet ber­ýä­ris di­ýip, döw­let Baş­tu­ta­ny­myz nyg­ta­dy. Hä­zir­ki dö­wür­de sport adam­la­ryň öza­ra gat­na­şyk­la­ry­nyň mö­hüm bö­le­gi, döw­let­le­riň we halk­la­ryň, dür­li din­le­re ynan­ýan adam­la­ryň ara­syn­da öza­ra dü­şü­niş­me­giň we yla­laş­ma­gyň gu­ra­ly bo­lup dur­ýar. Hor­mat­ly Pre­zi­den­ti­miz türk­men ta­ra­py­nyň Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň Türk­me­nis­tan bi­len BMG-niň ara­syn­da tä­ze ugur bo­lan sport ul­ga­myn­da­ky giň möç­ber­li we uzak­möh­let­le­ýin hyz­mat­daş­ly­gy­nyň baş­lan­gyç tap­gy­ry­na öw­rül­jek­di­gi­ne ynam bil­di­rip, be­lent mer­te­be­li myh­ma­ny we BMG-niň we­kil­le­ri­ni şu ýy­lyň 17-nji sent­ýab­ryn­da Aş­ga­bat­da ge­çi­ril­jek Azia­da–2017-niň açy­lyş da­ba­ra­sy­na gat­naş­ma­ga ça­gyr­dy.
BMG-niň Baş sek­re­ta­ry hor­mat­ly Pre­zi­den­ti­miz Gurbanguly Berdimuhamedowa Aş­ga­bat­da mä­hir­li ka­bul edi­len­di­gi üçin tüýs ýü­rek­den ho­şal­lyk bil­di­rip, Bir­le­şen Mil­let­ler Gu­ra­ma­sy­nyň Mer­ke­zi Azi­ýa­nyň döw­let­le­ri, şol san­da Türk­me­nis­tan bi­len ne­ti­je­li hyz­mat­daş­ly­ga yg­rar­ly­dy­gy­ny nyg­ta­dy. BMG bi­len Türk­me­nis­ta­nyň ara­syn­da­ky gat­na­şyk­lar nus­ga­lyk­dyr. Je­nap An­to­niu Gu­ter­re­şiň bel­leý­şi ýa­ly, özü­niň BMG-niň bos­gun­la­ryň işi ba­ra­da­ky Ýo­ka­ry ko­mis­sa­ry­nyň we­zi­pe­sin­de iş­län döw­rün­de hem türk­men ta­ra­py bi­len ne­ti­je­li gat­na­şyk­la­ry mu­nuň aý­dyň su­but­na­ma­sy bo­lup dur­ýar. Şu­nuň bi­len bag­ly­lyk­da, ýur­du­my­zyň bos­gun­la­ryň we ra­ýat­ly­gy bol­ma­dyk adam­la­ryň me­se­le­le­ri­ni çöz­mä­ge sal­dam­ly go­şant goş­ýan­dy­gy we bu ugur­da Mer­ke­zi Azi­ýa se­bi­tin­de öň­de­ba­ry­jy or­ny eýe­le­ýän­di­gi nyg­tal­dy.
Gep­le­şik­ler ta­mam­la­nan­dan soň, hor­mat­ly Pre­zi­den­ti­miz we BMG-niň Baş sek­re­ta­ry köp­çü­lik­le­ýin ha­bar be­riş se­riş­de­le­ri­niň we­kil­le­ri­ne ýüz­len­me bi­len çy­kyş et­di­ler.
Mil­li Li­de­ri­miz du­şu­şy­gyň ne­ti­je­le­ri­ni be­ýan edip, be­lent mer­te­be­li myh­ma­ny we onuň we­ki­li­ýe­ti­niň äh­li ag­za­la­ry­ny türk­men top­ra­gyn­da ýe­ne-de bir ge­zek tüýs ýü­rek­den mü­bä­rek­le­di we bi­rek-bi­re­ge dü­şü­niş­mek, hor­mat goý­mak hem-de deň­hu­kuk­ly hyz­mat­daş­lyk ru­hun­da ge­çen ne­ti­je­li gep­le­şik­ler üçin BMG-li hyz­mat­daş­la­ra min­net­dar­lyk bil­dir­di. Bu sa­par je­nap An­to­niu Gu­ter­re­şiň BMG-niň Baş sek­re­ta­ry hök­mün­de Türk­me­nis­ta­na il­kin­ji sa­pa­ry­dyr. Biz bu wa­ka, bir ta­rap­dan, ola­ryň ara­bag­la­ny­şy­gy­ny ala­mat­lan­dyr­ýan öza­ra gat­na­şyk­la­ry­my­zyň mö­hüm tap­gy­ry, beý­le­ki ta­rap­dan bol­sa, onuň gel­je­ge gö­nük­di­ril­me­gi hök­mün­de ba­ha ber­ýä­ris di­ýip, döw­let Baş­tu­ta­ny­myz aýt­dy. Biz bu ge­zek­ki du­şu­şy­ga aý­ra­tyn äh­mi­ýet ber­ýä­ris. Çün­ki ol Türk­me­nis­ta­nyň BMG-ä gir­me­gi­niň 25 ýyl­ly­gyn­da ama­la aşy­ryl­ýar. Bu bol­sa hyz­mat­daş­ly­gy­my­zyň jem­le­ri­ni jem­le­mä­ge, onuň gel­jek­ki ugur­la­ry­ny we gat­na­şyk­la­ryň esa­sy ýö­rel­ge­le­ri­ni kes­git­le­mä­ge müm­kin­çi­lik ber­ýär.
Soň­ra BMG-niň Baş sek­re­ta­ry köp­çü­lik­le­ýin ha­bar be­riş se­riş­de­le­ri­niň we­kil­le­ri­niň öňün­de çy­kyş edip, bu sa­pa­ry­nyň Türk­me­nis­ta­na üçün­ji sa­pa­ry­dy­gy­ny bel­le­di. Ol ozal ýur­du­myz­da BMG-niň bos­gun­la­ryň işi ba­ra­da­ky Ýo­ka­ry ko­mis­sa­ry we­zi­pe­sin­de iki ge­zek bo­lup gö­rüp­di. Şu­nuň bi­len bag­ly­lyk­da, je­nap An­to­niu Gu­ter­reş bos­gun­la­ryň we ra­ýat­ly­gy bol­ma­dyk adam­la­ryň me­se­le­le­ri­ni çöz­mek­de bi­ziň ýur­du­my­zyň ga­za­nan uly üs­tün­lik­le­ri­ni nyg­ta­dy. Bu ugur­da Türk­me­nis­tan de­giş­li mak­sat­na­ma­la­ry iş­läp taý­ýar­la­mak bo­ýun­ça hem gö­rel­de gör­kez­ýär di­ýip, be­lent mer­te­be­li myh­man aýt­dy.
BMG-niň Baş sek­re­ta­ry türk­men Li­de­ri bi­len bo­lan du­şu­şy­gy­nyň ne­ti­je­le­ri­ne do­ly ka­na­gat­lan­ma bil­dir­ýän­di­gi­ni aýt­dy. Şol du­şu­şy­gyň gün ter­ti­bi­ne iki­ta­rap­la­ýyn gat­na­şyk­la­ryň mö­hüm me­se­le­le­ri­niň en­çe­me­si gi­ri­zil­di. Şun­da Bi­ta­rap Türk­me­nis­ta­nyň dün­ýä pro­ses­le­ri­ne gat­naş­ma­gy­nyň wa­jyp­dy­gy hem-de ýur­du­my­zyň pa­ra­hat­çy­lyk dö­re­di­ji ug­ru­ny, onuň Ow­ga­nys­ta­nyň dur­muş-yk­dy­sa­dy taý­dan di­kel­dil­me­gi­ne sal­dam­ly go­şan­dy we goň­şy döw­let­dä­ki ýag­da­ýy sy­ýa­sy-dip­lo­ma­tik se­riş­de­le­ri ar­ka­ly ka­da­laş­dyr­mak bo­ýun­ça eýe­le­ýän mö­hüm or­ny bel­le­nil­di.
Sö­zü­niň ahy­ryn­da je­nap An­to­niu Gu­ter­reş Aş­ga­bat ba­ra­da özün­de ga­lan tä­sir­ler ha­kyn­da gür­rüň ber­mek bi­len, ak mer­mer­li türk­men paý­tag­ty­na ge­lip gör­mek müm­kin­çi­li­gi­niň özün­de uly ka­na­gat­lan­ma duý­gu­sy­ny dö­red­ýän­di­gi­ni nyg­ta­dy. Aş­ga­bat şä­he­ri özü­niň gö­zel­li­gi we saz­la­şy­gy, aja­ýyp tä­ze des­ga­la­ry, ýa­şyl öwüs­ýän se­ýil­gäh­le­ri hem-de se­ýil­bag­la­ry bi­len haý­ran gal­dyr­ýar.
Şol gün Bir­le­şen Mil­let­ler Gu­ra­ma­sy­nyň Baş sek­re­ta­ry An­to­niu Gu­ter­reş Aş­ga­bat­da ge­çi­ri­len “BMG-niň we Mer­ke­zi Azi­ýa­nyň ara­syn­da BMG-niň Äh­lu­mu­my ter­ror­çy­ly­ga gar­şy stra­te­gi­ýa­sy­ny dur­mu­şa ge­çir­mek bo­ýun­ça ýo­ka­ry de­re­je­li gep­le­şik­le­ri­ne” gat­naş­dy. Sa­pa­ryň mak­sat­na­ma­sy­nyň çäk­le­rin­de be­lent mer­te­be­li myh­man Bir­le­şen Mil­let­ler Gu­ra­ma­sy­nyň Türk­me­nis­tan­da­ky we­kil­ha­na­sy­na hem ba­ryp gör­di we şol ýer­de BMG-niň ýur­du­myz­da iş­le­ýän we­kil­ha­na­la­ry­nyň iş­gär­le­ri bi­len du­şuş­dy.
Mä­lim bol­şy ýa­ly, ge­çen ýyl BMG-niň we­kil­ha­na­sy Aş­ga­ba­dyň gö­zel kün­jek­le­ri­niň bi­rin­de gur­lan tä­ze aja­ýyp bi­na­syn­da jaý to­ýu­ny tut­dy. Bu döw­re­bap ak mer­mer­li eda­ra bi­na­sy hor­mat­ly Pre­zi­den­ti­miz Gurbanguly Berdimuhamedowyň hem-de şol dö­wür­de BMG-niň Baş sek­re­ta­ry we­zi­pe­sin­de iş­län Pan Gi Mu­nuň gat­naş­ma­gyn­da 2016-njy ýy­lyň 26-njy no­ýab­ryn­da da­ba­ra­ly ýag­daý­da açy­lyp­dy.

Gyzykly bolup bilerЕЩЕ ОТ АВТОРА