Döw­le­ta­ra gat­na­şyk­la­ry ber­ki­dil­ýär

Bir­le­şen Mil­let­ler Gu­ra­ma­sy ta­ra­pyn­dan iki ge­zek yk­rar edi­len he­mi­şe­lik Bi­ta­rap­lyk de­re­je­si pa­ra­hat­çy­ly­gy pug­ta­lan­dyr­ma­ga döw­le­ti­mi­ziň mi­ze­mez hem öz­bo­luş­ly çe­me­leş­me­si­dir. Üçün­ji müň­ýyl­ly­gyň tä­ze ta­ry­hy şert­le­rin­de Türk­me­nis­tan Bi­ta­rap­ly­gyň türk­men nus­ga­sy­nyň müm­kin­çi­lik­le­ri­ni Dur­nuk­ly ösüş mak­sat­la­ry­na ýet­mek ýa­ly stra­te­gik me­ýil­ler bi­len ut­gaş­dyr­ýar. Mil­li Li­de­ri­miz: «Bi­ta­rap­lyk sy­ýa­sy, yk­dy­sa­dy, ta­ry­hy, me­de­ni me­se­le­le­ri bir­leş­dir­ýän dö­re­di­ji­lik­li iş­dir» di­ýip, örän jaý­dar bel­le­ýär. Mu­nuň özi onuň pa­ra­hat­çy­lyk dö­ret­mek müm­kin­çi­li­gi­niň ge­ri­mi­niň has giň­di­gi­ni şert­len­dir­mek bi­len, ýur­du­my­zyň dün­ýä sy­ýa­sa­tyn­da alyp bar­ýan işi­niň köp­ta­rap­la­ýyn hä­si­ýe­ti­ni açyp gör­kez­ýär. Ýer ýü­zün­de ýa­şa­ýan yn­san­lar pi­kir-ga­raý­şy bo­ýun­ça düýp­gö­ter ta­pa­wut­lan­ýan bol­sa­lar-da, dün­ýä­de pa­ra­hat­çy­ly­gy ber­ka­rar et­mek dü­şün­je­si ola­ry umu­my mak­sat­da bir­leş­dir­ýär. Adam­zat dö­rä­li bä­ri, aba­dan, asu­da ýa­şaý­şy ga­zan­ma­gyň baý tej­ri­be­si top­lan­dy. Oňa her döw­let, her bir halk öz mil­li men­ta­li­te­ti­dir ile­ri tut­ýan gym­mat­lyk­la­ry­na gö­rä, dür­li-dür­li çe­me­leş­ýär. Gah­ry­man Ar­ka­da­gy­my­zyň sy­ýa­sy er­ki, tu­tan­ýer­li we yzy­gi­der­li baş­lan­gyç­la­ry bi­len hut şu aý­ra­tyn­lyk Bi­ta­rap Wa­ta­ny­my­zyň hal­ka­ra de­re­je­dä­ki ab­raý-mer­te­be­si­niň bar­ha be­len­de gö­te­ril­me­gi­niň esa­sy şer­ti­ne öw­rül­di. Ýur­du­my­zyň baş­lan­gy­jy bi­len 2021-nji ýy­lyň BMG-niň Baş As­samb­le­ýa­sy ta­ra­pyn­dan «Hal­ka­ra pa­ra­hat­çy­lyk we yna­nyş­mak ýy­ly» diý­lip yg­lan edil­me­gi, şeý­le hem 2023-nji ýy­lyň «Dia­log – pa­ra­hat­çy­ly­gyň ke­pi­li» diý­lip at­lan­dy­ryl­ma­gy mil­li Li­de­ri­mi­ziň pa­ra­hat­çy­lyk dö­ret­mek tag­ly­ma­ty­nyň bar­ha kä­mil­leş­ýän­di­gi­ni we giň­den yk­rar edil­ýän­di­gi­ni ala­mat­lan­dyr­ýar.
Gah­ry­man Ar­ka­da­gy­my­zyň «Türk­me­niň döw­let­li­lik ýö­rel­ge­si» ese­rin­de go­ja­man ta­ryh­dan gel­ýän türk­men hal­ky­nyň döw­let do­lan­dyr­ma­gyň ýol­la­ry, dost-do­gan­lyk, bi­rek-bi­re­ge yna­nyş­mak ba­ra­da­ky aja­ýyp mag­lu­mat­lar dür­li dur­mu­şy tym­sal­la­ryň üs­ti bi­len be­ýan edil­ýär. Döw­le­ta­ra gat­na­şyk­la­ry pa­ra­hat­çy­lyk­ly ýol bi­len ber­kit­mek hal­ky­my­zyň ga­dym­dan bä­ri yg­rar­ly ýö­rel­ge­si­dir, şol ýö­rel­ge hä­zir­ki gün­de döw­re­bap maz­mun­da Ga­raş­syz türk­men döw­le­ti­niň hal­ka­ra gat­na­şyk­la­ryn­da­ky üs­tün­lik­le­rin­de wa­jyp or­ny eýe­le­ýär. Ga­dy­my dö­wür­den bä­ri do­wam edip gel­ýän döw­le­ti do­lan­dyr­ma­gyň usul­la­ry hä­zir­ki za­man türk­men jem­gy­ýe­tin­de al­nyp ba­ryl­ýan sy­ýa­sa­tyň ýö­rel­ge­si bo­lup dur­ýar. Döw­le­ti do­lan­dyr­ma­gyň usul­la­ry, be­ýik şah­sy­ýet­le­riň asyl­ly ýol-ýö­rel­ge­le­ri ýur­du­my­zyň döw­let­li­lik ýö­rel­ge­si­niň berk bol­ma­gy­na ge­tir­di.
Hal­ka­ra sy­ýa­sat­da we yk­dy­sa­dy­ýet­de, döw­le­ta­ra gat­na­şyk­la­ryn­da yna­nyş­mak hem-de pa­ra­hat­çy­lyk me­de­ni­ýe­ti mow­zu­gy äh­lu­mu­my ze­rur­ly­ga öw­rül­ýär. Hal­ka­ra gat­na­şyk­la­ryn­da öza­ra hor­mat goý­mak, deň­hu­kuk­ly­lyk ýö­rel­ge­le­ri­ne eýer­mek­de gö­rel­de gör­ke­zi­lip, hä­zir­ki wagt­da hal­ka­ra gi­ňiş­li­gin­de dip­lo­ma­ti­ýa­nyň şu ugur­la­ry iş­jeň iler­le­dil­ýär. Bu bol­sa kö­kü­ni geç­miş­den alan, şu gü­ni kä­mil­leş­di­rip, gel­je­ge be­ýik mi­ras bo­lup dur­ýan tag­ly­mat­dyr.

Za­li­la Ro­zi­ýe­wa,
Türkmenistanyň Prezidentiniň ýanyndaky Döwlet gullugy akademiýasynyň mugallymy.