ABŞ-nyň ÝUNESKO-nyň düzümine gaýdyp gelmek tertibi tamamlandy, Birleşen Ştatlar ýene-de guramanyň agza döwleti boldy. Bu barada ÝUNESKO-nyň metbugat gullugy tarapyndan ýaýradylan habarda aýdylýar.
-ABŞ-nyň ÝUNESKO gaýdyp gelmegi boýunça işler tamamlandy: Birleşen Ştatlar biziň guramamyzyň ýene-de resmi taýdan agza döwleti boldy – diýip, ÝUNESKO-nyň baş müdiri Odre Azule aýdýar. – Şeýlelikde, ÝUNESKO ýene-de köptaraplyga tarap hereket edýär – diýip, Azule sözüniň üstüne goşdy.
Guramanyň metbugat gullugynda 9-njy iýulda Odre Azuleniň amerikan tarapy bilen telefon arkaly gürrüňdeşlik geçirendigi we onuň dowamynda oňa Waşingtonda ÝUNESKO-nyň düzgünnamasyny kabul etmek barada resminama gol çekilendiginiň habar berlendigi aýdylýar.
30-njy iýunda ÝUNESKO-nyň Baş konferensiýasynyň nobatdan daşary sessiýasyna gatnaşyjylar Waşington tarapyndan teklip edilen bergini az-azdan üzmek şertlerinde ABŞ-nyň guramanyň düzümine gaýdyp gelmegi baradaky kararnamany tassykladylar.
