Angliýanyň çempionaty “Premier Liganyň” wise-çempiony “Arsenal” Londonyň beýleki klubundan, köne bäsdeşi “West Hamdan” Deklan Raýsy rekord baha transfer etdi. Topçular 24 ýaşyndaky iňlis ýarymgoragçy bilen 5 ýyllyk şertnama baglaşdy. “Arsenal” topary Raýsyň transfer tölegi hökmünde-de “West Hama” 100+5 million funt sterling tölemeli bolar. Şunlukda, Raýs “Premier Liganyň” taryhyndaky iň gymmat 2 iňlis futbolçynyň biri boldy. Ol bu ugurda rekordy 100 million funt sterlinge “Aston Willadan” “Mançester Sitä” geçen Jek Griliş bilen paýlaşýar.
Deklan Raýs täze klubunda 41-nji belgili köýnekçäni geýer. Karýerasyna “West Hamda” başlan Raýs bu toparda 7 möwsümde 245 oýunda 15 gol geçirdi. Raýs bilen “Mançester Siti” hem gyzyklanypdy.
