Ýew­ro­pa Bi­le­le­şi­gi öz ser­ma­ýa­sy­ny La­tyn Ame­ri­ka­sy­nyň yk­dy­sa­dy­ýe­ti­niň “ýa­şyl” ener­gi­ýa ýa­ly pu­dak­la­ry­na gö­nük­dir­me­gi mak­sat edin­ýär. Bu ýag­daý Hy­ta­ýyň se­bit­dä­ki tä­si­ri­ne de­ňag­ram­ly­lyk dö­ret­mek üçin ni­ýet­le­nen­dir.
La­tyn Ame­ri­ka­sy 45 mil­liard ýew­ro ma­ýa go­ýu­my­na eýe bo­lar. Bu ba­ra­da Ýew­ro­pa Ko­mis­si­ýa­sy­nyň baş­ly­gy Ur­su­la fon der Lýa­ýen, Brýus­sel­de gu­ra­lan işe­wür to­par­la­ryň we­kil­le­ri­niň mas­la­ha­tyn­da we Ýew­ro­pa Bi­le­le­şi­gi-La­tyn Ame­ri­ka sam­mi­ti­niň öňü­sy­ra­syn­da mä­lim et­di. Ýew­ro­pa Bi­le­le­şi­gi öz ser­ma­ýa­sy­ny “ýa­şyl” ener­gi­ýa ýa­ly bel­li pu­dak­la­ra gö­nük­dir­mek is­le­ýär. Ýe­ne bir se­bä­bi Ýew­ro­pa­nyň çig mal­la­ra ze­rur­ly­gy bar. Gü­nor­ta Ame­ri­ka bol­sa, seý­rek çig mal­la­ryn­dan baş­ga-da dün­ýä­niň li­tiý äti­ýaç­lyk­la­ry­nyň 85% -ini eme­le ge­tir­ýär.
Bra­zi­li­ýa MERCOSUR bi­le­le­şi­gi­niň ag­za­sy­dyr. Pre­zi­dent Lu­is Ina­siu Lu­la da Sil­wa öz ýur­du­nyň ýol­baş­çy­la­ry­nyň Ýew­ro­pa Bi­le­le­şi­gi bi­len söw­da şert­na­ma­sy­ny tas­syk­la­mak bo­ýun­ça res­mi­na­ma­nyň üs­tün­de iş­le­mä­ge taý­ýar­dy­gy­ny bel­le­di. Şeý­le hem, Ýew­ro­pa Bi­le­le­şi­gi­niň Ama­zon­da­ky to­kaý­la­ryň ça­pyl­ma­gy­ny tog­tat­mak mak­sa­dy bi­len eko­lo­gi­ýa öl­çeg­le­ri bo­lan goş­ma­ça res­mi­na­ma taý­ýar­la­mak ba­ra­da­ky is­leg­le­ri­ne jo­gap ber­di. Lu­is Ina­siu Lu­la da Sil­wa şeý­le is­le­gi oý­la­ny­şyk­syz ha­sap­la­ýar, se­bä­bi on­dan ýer­li ilat zy­ýan çe­ker.
La­tyn Ame­ri­ka­sy, Ýew­ro­pa Bi­le­le­şi­gi bi­len söw­da we yk­dy­sa­dy hyz­mat­daş­ly­gy ös­dür­me­gi mak­sat edi­nip, eko­lo­gi­ýa mak­sat­la­ryn­dan baş­ga-da, oba ho­ja­ly­gy­nyň bäh­bit­le­ri­ni na­za­ra al­ýar. Fran­si­ýa we Awst­ri­ýa ýa­ly ýurt­lar bol­sa, öz ba­zar­la­ry­nyň hi­li nä­bel­li bo­lan La­tyn Ame­ri­ka­sy ýurt­la­ry­nyň önüm­le­ri bi­len dol­du­ryl­ma­gy­ny göw­ne­me­ýär­ler.

Gyzykly bolup bilerЕЩЕ ОТ АВТОРА