Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de hormatly Prezidentimiziň baştutanlygynda türk­men hal­ky­nyň şöh­rat­ly ta­ry­hy­ny we baý me­de­ni mi­ra­sy­ny düýp­li öw­ren­mek, aýaw­ly sak­la­mak hem-de bü­tin dün­ýä­de wa­gyz et­mek üçin uly iş­ler al­nyp ba­ryl­ýar. Hä­zir­ki wagt­da dün­ýä yl­my­nyň ös­me­gi­ne sal­dam­ly go­şant go­şan alym­la­ry­my­zyň, fi­lo­sof­la­ry­my­zyň dö­re­di­ji­li­gi­ni öw­ren­me­gi­mi­ze giň müm­kin­çi­lik­ler dö­re­dil­di. Hal­ky­my­zyň ta­ry­hy geç­mi­şin­de dün­ýä meş­hur alym­la­ry­myz we be­ýik şah­sy­ýet­le­ri­miz bo­lup, şol be­ýik şah­sy­ýet­le­riň bi­ri-de dün­ýä ede­bi­ýa­ty­nyň al­tyn ha­zy­na­sy­na gi­ren, çe­per söz sun­ga­ty­ny ös­dür­mek­de we kä­mil­leş­dir­mek­de uly hyz­mat­la­ry bi­ti­ren türk­me­niň be­ýik şa­hy­ry Mag­tym­gu­ly Py­ra­gy­dyr.
Akyl­dar şa­hy­ry­myz Mag­tym­gu­ly Py­ra­gy müň­ýyl­lyk­la­ryň do­wa­myn­da ke­ma­la ge­len türk­men di­li­ni we ede­bi­ýa­ty­ny ös­dü­rip, ýo­ka­ry de­re­jä ýe­ti­ren, çe­per söz sun­ga­ty­ny baý­laş­dyr­mak­da uly hyz­mat­la­ry bi­ti­ren türk­men ru­hu­nyň syn­ma­jak sü­tü­ni­dir.
Gahryman Arkadagymyz şa­hy­ryň dö­re­di­ji­li­gi­ne ýo­ka­ry ba­ha be­rip «Aja­ýyp şy­gyr­la­ry bi­len yn­san kal­by­ny ýag­şy­lyk nu­ru­na be­zän türk­men hal­ky­nyň akyl­dar og­ly Mag­tym­gu­ly Py­ra­gy­nyň mer­te­be­si türk­men hal­ky üçin iň be­lent­de goý­lan mu­kad­des­lik­le­riň bi­ri­dir» diýip nyg­ta­ýar.
Mag­tym­gu­ly Py­ra­gy­nyň 300 ýyl­lyk ýu­bi­leý to­ýu­ny gu­ra­ma­çy­lyk­ly we da­ba­ra­ly ýag­daý­da ge­çir­mek üçin, şu gün­ler­den taý­ýar­lyk iş­le­ri­ alnyp barylýar. Bu bol­sa hal­ky­my­zyň akyl­dar şa­hy­ry­na goý­ýan sar­pa­sy­nyň iň be­ýik de­re­je­si­dir.
Wa­ta­ny­my­zyň äh­li ýe­rin­de di­ýen ýa­ly Py­ra­gy­nyň öm­ri we dö­re­di­ji­li­gi ba­bat­da düýp­li iş­ler dur­mu­şa ge­çi­ril­ýär. Şa­hy­ryň öm­ri we dö­re­di­ji­li­gi di­ňe bi­ziň ýur­du­myz­da däl, eý­sem, da­şa­ry ýurt­lar­da hem gi­ňiş­le­ýin öw­re­nil­ýär. Bal­kar şa­hy­ry Kaý­syn Ku­ly­ýew akyl­dar şa­hy­ryň di­ňe bir türk­men ede­bi­ýa­tyn­da däl, eý­sem, dün­ýä ede­bi­ýa­tyn­da bi­ti­ren be­ýik hyz­mat­la­ry­ny bel­läp şeý­le ba­ha ber­ýär: «Py­ra­gy­nyň süý­ji se­tir­le­ri bi­ze iki asyr aşyp ýet­di. Onuň se­tir­le­ri in­di köp­le­riň söý­gü­si­ne eýe bol­dy. Mag­tym­gu­ly ha­ky­kat­dan-da be­ýik şa­hyr bo­lup­dyr. Bi­ziň hal­ky­my­zyň dä­bi bo­ýun­ça iň be­lent zat­lar Elb­rus da­gy bi­len de­ňeş­di­ril­ýär. Men Mag­tym­gu­ly­ny we onuň poe­zi­ýa­sy­ny şol be­lent da­ga de­ňeş­dir­ýä­rin. Mag­tym­gu­ly­ny biz di­ňe türk­men poe­zi­ýa­sy­nyň däl, eý­sem, dün­ýä poe­zi­ýa­sy­nyň hem Elb­ru­sy ha­sap ed­ýä­ris».
Şa­hy­ryň dö­re­di­ji­li­gi halk köp­çü­li­gi ta­ra­pyn­dan gi­ňiş­le­ýin öw­re­nil­mek bi­len,ösüp gel­ýän ýaş ne­sil­le­ri­miz üçin örän uly ter­bi­ýe­çi­lik äh­mi­ýe­ti­ne eýe­dir. Şo­nuň üçin or­ta we ýo­ka­ry okuw mek­dep­le­rin­de bi­lim al­ýan okuw­çy­la­ra we ta­lyp ýaş­la­ra şa­hy­ryň dö­re­di­ji­li­gi ba­ra­da­ky mag­lu­mat­lar öw­re­dil­ýär.
Akyl­dar şa­hy­ryň ge­lin-gyz­lar ha­kyn­da­ky şy­gyr­la­ry onuň dö­re­di­ji­li­gin­de iň gör­nük­li orun­la­ryň bi­ri­ni eýe­le­ýär. Ol öz şy­gyr­la­ryn­da ge­lin-gyz­la­ryň dur­muş­da uly hor­ma­ta, söý­gä my­na­syp bol­ma­ly­dyk­la­ry­ny ün­de­ýär. Şa­hyr öz dö­re­di­ji­li­gin­de ge­lin-gyz­la­ryň owa­dan­ly­gy­ny, mer­te­be­si­ni hem­me zat­dan ýo­kar­da goý­ýar. Bu bol­sa halk köp­çü­li­gi­niň pi­kir duý­gu­sy bi­len ga­bat gel­ýär.
Şa­hyr gyz-ge­linleri er­kek adam­la­ryň iň ýa­kyn hos­sa­ry, ja­nyp­keş ýol­da­şy ha­sap­lap, bu ba­ra­da «Du­ra­syň ge­ler» di­ýen şyg­ryn­da şeý­le bel­le­ýär:
Gö­zel bar­dyr ak ka­gyz dek bi­le­gi,
Jan için­de bi­le bo­lar ýü­re­gi,
Şeý­le gö­zel mert ýi­gi­diň ge­re­gi,
Ne ha­jat is­le­se, be­re­siň ge­ler.
«Bi­li bol­ma­sa» di­ýen goş­gu­syn­da bol­sa şa­hyr il-gü­nüň da­şy­ny go­rap ýö­ren goç ýi­git­le­riň özü­ne my­na­syp ýa­ry bol­ma­sa he­mi­şe ar­man çe­kip gez­ýän­dik­le­ri­ni nyg­ta­ýar:
Är ýi­gi­diň içi do­ly ar­man­dyr
Ga­ra göz, in­çe bil ýa­ry bol­ma­sa.
Meş­hur alym­la­ry­my­zy, be­ýik şah­sy­ýet­le­ri­mi­zi öw­ren­mä­ge giň müm­kin­çi­lik­le­ri dö­red­ýän Gah­ry­man Ar­ka­da­gy­my­zyň we Ar­ka­dag­ly Ser­da­ry­my­zyň ja­ny sag, tu­tum­ly iş­le­ri ro­waç bol­sun!

Mäh­ri­ban Ku­ram­ba­ýe­wa,
Da­şo­guz we­la­ýa­ty­nyň Ak­de­pe et­rap bi­lim bö­lü­mi­niň hü­när­me­ni,
Türk­me­nis­ta­nyň Mej­li­si­niň de­pu­ta­ty.

Gyzykly bolup bilerЕЩЕ ОТ АВТОРА