Esasy ýarymgoragçysy Sergeý Milinkowiç-Sawiçi arap klubuna ugradan “Lasio” topary “Aýntraht” bilen şertnamasy gutaran ýaponiýaly Daiçi Kamadany transfer etdi. Erkin agent ýagdaýynda italýan klubunuň düzümine goşulan 26 ýaşyndaky ýarymgoragçy rimliler bilen 2+1 ýyllyk şertnama baglaşdy. Kamada “Aýntrahtda” 179 oýunda 40 gol geçirip, 33 goluň pasyny beripdi. Kamada “Lasiodan” ýylda 3,4 million ýewro hak alar.
***
Italiýanyň “Milan” topary düzümini güýçlendirmegini dowam edýär. “Milan” topary “Walensiýanyň” amerikaly ýarymgoragçysy Ýunus Musah bilen 5 ýyllyk şertnama baglaşdy. Italýan kluby 20 ýaşly oýunçy üçin ispan toparyna 20 million ýewro berer. Musah “Walensiýada” 3 möwsümde 108 oýunda 5 gol geçirdi. Pulişiçden soň “Milandaky” 2-nji amerikaly oýunçy bolan Musah täze klubunda 80-nji belgili köýnekçäni geýer.
