UEFA Çempionlar Ligasynda pleý-off tapgyryna çykan toparlaryň birinden galany belli boldy.
“Ferenswaroşdyr” “BK Hakeni” ýaryşdan çykaran Farer adalarynyň çempiony “KI Klakswik” 3-nji saýlama tapgyryň 1-nji duşuşygynda “Moldeni” 2-1 hasabynda ýeňipdi. Ýöne 2-nji duşuşykda goşmaça wagtda Eriksen (17) we Linnesiň (112) geçiren gollary esasynda 2-0 asgyn gelen “KI Klakswik” topary üçin ýaryş tamamlandy. Farer adalarynyň wekili ilkinji gezek 3-nji saýlama tapgyryna çenli gelmegi başardy. “KI Klakswik” topary Ýewropa Ligasynyň pleý-off tapgyryndan ýaryşy dowam etdirer.
Öz milli çempionatlarynda ilkinji gezek çempionlyk gazanan 2 klubuň arasyndaky oýunda “Aris” öz meýdançasynda-da “Rakuw” toparyndan asgyn geldi. Tudoryň 49-njy minutdaky goly bilen ýeňiş gazanan “Rakuw pleý-off tapgyryna çykdy. 1-nji oýunda polýak topary 2-1 hasabynda üstün çykypdy. Türkiýäniň “Galatasaraý” topary öz meýdançasynda “Olimpiýa Lýublýanany” Ikardiniň ýeke-täk goly esasynda 1-0 utdy. Türk kluby 1-nji oýunda 3-0 ýeňiş gazanypdy.
Daniýada golsuz deňme-deň oýnan “Slawiýa” bilen “Kopengageniň” Pragada duşuşygynyň esasy wagty 1-1 deňlikde tamamlandy (Birmançewiç 80 – Larsson 1). Goşmaça wagtda-da toparlaryň hersi ýene 2 gol geçirdi (Laçi 105, Olatunji 107 – Klassen 105+3, 112). AEK myhmançylykda “Dinamo Zagrebi” 2-1 hasabynda ýeňdi. Jogap duşuşygy 19-njy awgustda oýnalar.
3-nji saýlama tapgyryň jogap duşuşyklarynyň netijeleri:
“Aris” (Kipr) – “Rakuw Çenstohowy” (Polşa): 0-1 (1-2)
“Makkabi Haýfa” (Ysraýyl) – “Slowan Bratislawa” (Slowakiýa): 3-1 (2-1)
“Galatasaraý” (Türkiýe) – “Olimpiýa Lýublýana” (Sloweniýa): 1-0 (3-0)
“Slawiýa Praga” (Çehiýa) – “Kopengagen” (Daniýa): 3-3, g.w., 2-4 p (0-0)
“Molde” (Norwegiýa) – “KI Klakswik” (Farer adalary): 2-0 g.w. (1-2)
“Dinamo Zagreb” (Horwatiýa) – “AEK Afiny” (Gresiýa): 1-2 (19-njy awgustda)
