Soň­ky ýyl­lar­da ösen şä­her­ler­de bi­na­gär­lik gur­lu­şy­gy bi­len teh­no­lo­gik ösüş­le­ri bag­la­nyş­ýan des­ga­la­ryň bir­nä­çesi gu­rul­dy. Bu des­ga­lar daş­ky be­ze­gi bi­len bir ha­tar­da hö­dür­le­ýän amat­ly şert­le­ri bi­len hem ta­pa­wut­lan­ýar. Ola­ryň ha­ta­ryn­da sy­ýa­hat­çy­lyk pu­da­gyn­da öň­dä­ki orun­la­ry eýe­le­ýän myh­man­ha­na­la­ry, dynç alyş mer­kez­le­ri­ni, howa menzillerini, köp­çü­lik­le­ýin ge­ze­lenç edil­ýän des­ga­la­ry gör­kez­mek bo­lar. Ga­ze­ti­mi­ziň şu sa­nyn­da sizi dün­ýä­niň hä­zir­ki za­man ar­hi­tek­tu­ra­sy­nyň iň naý­ba­şy mu­zeý­le­ri bi­len ta­nyş­dyr­ýa­rys.

Ko­rol On­ta­rio mu­ze­ýi, Ka­na­da. Bu aja­ýyp bi­na­ Ka­na­da­nyň iň uly mu­ze­ýi bo­lup, 1912-nji ýyl­da myh­man­la­ra ga­py­sy­ny aç­ýar. Mu­ze­ýiň döw­re­bap tas­la­ma­sy we gur­lu­şyk işi «Stu­dio Li­bes­kind» kompaniýasyna de­giş­li bo­lup, 2008-nji ýyl­da bu ta­ry­hy bi­na priz­ma­tik aý­na ör­tük­ler we me­tal­dan ýa­sa­lan gi­rel­ge meý­dan­ça­sy bi­len kä­mil­leş­di­ril­ýär. Mu­zeý­de 40 ga­le­re­ýa bo­lup, 13 mil­li­on­dan gow­rak eks­po­nat sak­lan­ýar. Mu­ze­ýe gel­ýän­ler ar­heo­lo­gik eser­le­ri syn­la­mak bi­len bir ha­tar­da, be­zeg­çi­lik we sun­gat eser­le­ri­niň jan­ly şa­ýa­dy bol­ýar­lar. Sy­ýa­hat­çy­lar bu bi­na­nyň De­mir­ga­zyk Ame­ri­ka­daky iň owa­dan we çyl­şy­rym­ly tas­la­ma­dy­gy­ny bel­le­ýär­ler.
«Lu­is Vuit­ton» gaz­na­sy, Fran­si­ýa. 2014-nji ýyl­da açy­lan «Lu­is Vuit­ton» gaz­na­sy­nyň sun­gat mu­ze­ýi Pa­riž­dä­ki hä­zir­ki za­man bi­na­gär­lik eser­le­ri­niň bi­ri­dir. Mu­ze­ýiň tas­la­ma­sy bi­na­gär Frank Geh­rä de­giş­li bo­lup, bi­na­nyň geň gal­dy­ry­jy aý­ra­tyn­ly­gy agaç­dan ýa­sa­lan çar­çu­wa­la­ra aý­na «ýel­ken­le­riň» ber­ki­dil­me­gi­dir. 12 ga­nat­dan yba­rat bo­lan bu des­ga bir­nä­çe uly za­la bö­lün­ýär. Içi­ne Gün şöh­le­si­niň düş­me­gi ar­ka­ly te­bi­gy ýag­daý­da yşyk­lan­dy­ry­lan mu­zeý­de su­rat eser­le­ri­niň nus­ga­la­ry, meş­hur adam­la­ra de­giş­li kö­ne zat­lar, ta­ry­hy ta­pyn­dy­lar sak­lan­ýar. Mu­ze­ýe her ýyl 2 mil­li­on tö­we­re­gi sy­ýa­hat­çy bar­ýar.
Mil­uo­ki sun­gat mu­ze­ýi, ABŞ. Mi­çi­gan kö­lü­niň ke­na­ryn­da ýer­leş­ýän bu mu­zeý­de 25 müň sun­gat ese­ri sak­lan­ýar. ABŞ-nyň iň uly mu­zeý­le­ri­niň bi­ri bo­lan Mil­uo­ki sun­gat mu­ze­ýi 3 sa­ny aý­ry bi­na­dan yba­ratdyr. Bi­na­nyň iň soň­ky tap­gy­ry 2001-nji ýyl­da (bi­rin­ji tap­gy­ry 1957ý, ikin­ji tap­gy­ry 1975ý.) gur­lup, bu aý­na bi­na «Quad­racci Pavilion» diý­lip at­lan­dy­ryl­ýar. Mu­ze­ýiň döw­re­bap nus­ga­sy­nyň tas­la­ma­sy is­pa­ni­ýa­ly bi­na­gär Sant­ýa­go Ka­lat­ra­wa ta­ra­pyn­dan iş­le­nip taý­ýar­lan­ýar. Aý­na bi­na­nyň üçe­gin­de 66 metr­lik açyl­ýan ga­nat­lar bo­lup, ýo­kar­syn­da ýe­liň tiz­li­gi­ni öl­çe­ýän dat­çik­ler or­naş­dy­ry­lyp­dyr. Aw­to­mat­laş­dy­ry­lan bu ul­gam ho­wa şer­ti­ne la­ýyk­lyk­da ga­nat­la­ryň açy­lyp-ýa­pyl­ma­gy­ny üp­jün ed­ýär.
MI­HO mu­ze­ýi, Ýa­po­ni­ýa. Kýo­to şä­he­ri­niň go­la­ýyn­da­ky to­kaý­da ýer­leş­ýän mu­ze­ýiň owa­dan bi­na­gär­li­gi bu ýe­re gel­ýän­le­re adam­za­dyň dö­re­den ese­ri bi­len te­bi­ga­tyň aja­ýyp saz­la­şy­gy­ny baş­dan ge­çir­mä­ge müm­kin­çi­lik ber­ýär. Meş­hur bi­na­gär I.M.Pei­niň tas­la­ma­sy esa­syn­da gur­lan mu­ze­ýe aý­na gur­luş­ly as­ma tun­nel ar­ka­ly ba­ryl­ýar. Eko­lo­gi­ýa zy­ýan ber­mez­lik mak­sa­dy bi­len mu­ze­ýiň dört­den üç bö­le­gi ýe­riň aşa­gyn­da bi­na edi­lip­dir. Şol se­bäp­li bi­na­nyň içi­ne ýö­ri­te tun­nel ar­ka­ly ýo­kar­dan gi­ril­ýär. Mu­zeý­de Rim we Gün­do­gar me­de­ni­ýe­ti­ne de­giş­li gym­mat­lyk­lar sak­lan­ýar.
«Mu­seo Sou­maya», Mek­si­ka. Me­hi­ko şä­he­ri­niň meş­hur bi­na­la­ry­nyň bi­ri bo­lan bu mu­zeý owa­dan daş­ky gör­nü­şi hem-de gi­je­si­ne lo­wur­dap şöh­le saç­ma­gy bi­len ün­si özü­ne çek­ýär. Mu­zeý iki bi­na­dan yba­rat bo­lup, mu­ze­ýiň esa­sy bö­le­gi Pla­za Kar­so­da ýer­leş­ýär. Do­kuz gat­ly bi­na­da dam­ja meň­zeş 16 müň al­ty­burç­luk bar. Meş­hur bi­na­gär Fer­nan­do Ro­me­ron mu­ze­ýiň tas­la­ma işin­de suw­dan yl­ham alyp­dyr. Bi­na­da ga­dy­my ta­pyn­dy­lar bi­len bir­lik­de sun­gat eser­le­ri­niň 66 müň­den gow­ra­gy sak­lan­ýar. Şeý­le hem bu ýer­de heý­kel­le­re hem-de nus­ga­wy su­rat eser­le­ri­ne duş gel­mek bol­ýar.
Gel­je­giň mu­ze­ýi, BAE. Hä­zir­ki wag­ta çen­li bi­na­gär­lik tas­la­ma­la­ry­nyň için­de iň çyl­şy­rym­ly­sy ha­sap­lan­ýan Gel­je­giň mu­ze­ýi Du­baý şä­he­rin­de ýer­leş­ýär. Eme­li baý­ryň üs­tün­de gur­lan mu­ze­ýiň daş­ky gör­nü­şi süýn­mek hal­ka­ly ýü­zü­ge meň­ze­ýär. Gur­lu­şy­gyna 2018-nji ýyl­da baş­la­nan muzeý 2022-nji ýyl­da ulan­ma­ga be­ril­ýär. Du­ba­ýyň tä­sin gal­dy­ry­jy des­ga­la­ry­nyň bi­ri bo­lan Gel­je­giň mu­ze­ýi 7 gat­dan yba­rat bo­lup, bu ýerde ser­gi­ler, teh­no­lo­gik oý­lap ta­pyş­la­ryň gör­ke­zi­li­şi ýa­ly köp­çü­lik­le­ýin çä­re­ler ge­çi­ril­ýär.

Gyzykly bolup bilerЕЩЕ ОТ АВТОРА