Az salym öň UEFA-nyň iň uly klub ýaryşynyň täze möwsümi – 32-nji, umumylykda-da 69-njy möwsüminiň bijeleri çekildi.
Çekilen bijä laýyklykda, iň güýçli toparça “F toparça hasaplanýar. Bu toparçada PSŽ, “Borussiýa Dortmund”, “Milan” hem-de “Nýukasl” klublary bije çekişdi. Soňky çempion “Mançester Siti” o diýen kyn bolmadyk toparçada “Leipsig”, “Srwena Zwezda” hem-de “Ýang Boýz” klublary bilen güýç synanyşar. “A” toparçada güýçli toparça bolup, “Bawariýa, “Mançester Ýunaýted”, “Kopengagen” hem-de “Galatasaraý” klublary özara duşuşarlar. “C” toparça düşen kubogy iň köp eýelän “Real Madrid” toparynyň garşydaşlary “Napoli”, “Braga” hem-de “Union Berlin” klublary boldy.
32 klubuň gatnaşýan ýaryşynda 30 klubuň UEFA Çempionlar Ligasy tejribesi bolup, 2 klub – “Union Berlin” bilen “Antwerpen” toparlary ilkinji gezek çykyş ederler. Aslynda “Antwerpen” mundan 66 ýyl ozal, Ýewropanyň Çempion Klublarynyň Kubogy ýaryşy döwründe gatnaşypdy. Şu möwsüm 32 klubuň gatnaşýan soňky möwsümi bolar.
3 şäheriň – Madrid, Milan hem-de Mançester şäherleriniň hersinden 2 wekil çykyş edýär. Jemi 15 ýurduň kluby gatnaşar. Şolaryň 5-si Ispaniýa degişli bolup, bu ýurtdan 4-nji gezek 5 klub çykyş eder. “Sewilýa” topary Ýewropa Ligasynyň ýeňijsi hökmünde gatnaşýar.
Toparçalardaky 1-nji duşuşyklar 19-20-nji sentýabrda, 2-nji duşuşyklar 3-4-nji oktýabrda, 3-nji duşuşyklar 24-25-nji oktýabrda, 4-nji duşuşyklar 7-8-nji noýabrda, 5-nji duşuşyklar 28-29-njy noýabrda hem-de 6-njy duşuşyklar 12-13-nji dekabrda oýnalar.
Toparçalarda 1-2-nji orny eýelänler 1/8 finala çykar. 1/8 finalyň duşuşyklary 2024-nji ýylyň 13-14-nji, 20-21-nji fewralynda hem-de 5-6-njy, 12-13-nji martynda geçiriler. Çärýek final geljek ýylyň 9-10-njy, 16-17-nji aprelinde, ýarym final 30-njy aprel we 1-nji maýda hem-de 7-8-nji maýda oýnalar. Final duşuşygy bolsa 2024-nji ýylyň 1-nji iýunda Londondaky “Wembley” stadionynda geçiriler.
“Real Madrid” bilen “Barselona” 28-nji gezek UEFA Çempionlar Ligasynda çykyş ederler (1992-nji ýyldan bäri). “Real Madrid” bassyr 27-nji gezek gatnaşyp, bu ugurda rekordyň eýesidir. “Bawariýa” bilen “Porto” 27-nji gezek gatnaşsa, “Mançester Ýunaýted” 25-nji, “Arsenal” bilen “Milan” 20-nji, “Borussiýa Dortmund”, “Benfika”, “Şahtýor Donesk” 18-nji, “Inter”, “Galatasaraý”, PSW 17-nji, “Pari Sen-Žermen” 16-njy, “Atletiko Madrid” 14-nji, “Mançester Siti” 13-nji (yzly-yzyna), “Seltik” 12-nji, “Sewilýa” 9-njy, “Napoli” 8-nji, “Lasio” 7-nji, “Kopengagen”, “Red Bull Salsburg”, “RB Leipsig”, “Feýenoord” 6-njy, “Nýukasl”, “Real Sosiedad”, “Srwena Zwezda”, “Ýang Boýz”, “Lans”, “Braga” 3-nji, “Union Berlin” bilenem “Antwerpen” 1-nji gezek UEFA Çempionlar Ligasynyň toparçalarynda çykyş ederler.
«A» TOPARÇA:
“Bawariýa” (Germaniýa), “Mançester Ýunaýted” (Angliýa), “Kopengagen” (Daniýa), “Galatasaraý” (Türkiýe)
«B» TOPARÇA:
“Sewilýa” (Ispaniýa), “Arsenal” (Angliýa), “PSW Eýndowen” (Niderlandlar), “Lans” (Fransiýa)
«C» TOPARÇA:
“Napoli” (Italiýa), “Real Madrid” (Ispaniýa), “Braga” (Portugaliýa), “Union Berlin” (Germaniýa)
«D» TOPARÇA:
“Benfika” (Portugaliýa), “Inter” (Italiýa), “RB Salsburg” (Awstriýa), “Real Sosiedad” (Ispaniýa)
«E» TOPARÇA:
“Feýenoord” (Niderlandlar), “Atletiko Madrid” (Ispaniýa), “Lasio” (Italiýa), “Seltik” (Şotlandiýa)
«F» TOPARÇA:
“Pari Sen-Žermen” (Fransiýa), “Borussiýa Dortmund” (Germaniýa), “Milan” (Italiýa), “Nýukasl” (Angliýa)
«G» TOPARÇA:
“Mançester Siti” (Angliýa), “Leipsig” (Germaniýa), “Srwena Zwezda” (Serbiýa), “Ýang Boýz” (Şweýsariýa)
«H» TOPARÇA:
“Barselona” (Ispaniýa), “Porto” (Portugaliýa), “Şahtýor Donesk” (Ukraina), “Antwerpen” (Belgiýa)
