Ho­wa­nyň çyg­ly­ly­gy­nyň üýt­ge­me­gi, gi­je uza­lyp, gün­di­ziň gys­gal­ma­gy güýz pas­ly­na mah­sus ala­mat­lar bo­lup, ada­myň fi­zi­ki iş­jeň­li­gi­ne hem-de psi­ho­lo­gi­ýa­sy­na tä­sir ed­ýär. Pa­syl çal­şy­gyn­da ho­wa­nyň do­wam­ly üýt­gäp dur­ma­gy kä­bir nä­hoş­luk­la­ryň dö­re­me­gi­ne ge­ti­rip bil­ýär. Şol se­bäp­li ge­çiş möw­sü­min­de sag­lyk bi­len bag­ly ýag­daý­la­ra hem-de aras­sa­çy­ly­ga yzy­gi­der­li üns ber­me­li. Güýz pas­ly­ny sag­dyn ge­çir­mek üçin, il­ki bi­len, dog­ry iý­mit­len­me­li, ka­da­ly uk­la­ma­ly, şeý­le hem sport bi­len meş­gul­lan­ma­ly.
Pa­syl çal­şy­gyn­da daş­ky gur­şaw, il­ki bi­len, dem alyş ýo­luna, de­rä we göze täsir edýär. Bu ýag­daý im­mu­ni­te­tiň gow­şa­ma­gy­na, ada­myň özü­ni ys­gyn­syz duý­ma­gy­na se­bäp bo­lup bil­ýär. Dem alyş ýol­la­ryn­da dö­re­ýän ke­sel­ler güýz pas­lyn­da iň köp duş gel­ýän nä­hoş­luk­la­ryň bi­ri bo­lup, ke­se­liň ala­mat­la­ry ys­sy ho­wa­dan çyg­ly ho­wa şer­ti­ne ge­çil­me­gi bi­len dü­şün­di­ril­ýär. Şo­nuň üçin bu möw­süm­de talabalaýyk geýinmek, an­ti­ok­si­dant­la­ra baý önüm­le­ri ka­bul et­mek, güýz­de ýe­tiş­ýän in­jir, üzüm, nar, be­ýi ýa­ly mi­we­le­ri iý­mek örän mö­hüm­dir. Ba­l we süýt önüm­le­ri­niň be­de­niň go­rag ul­ga­my­ny güýç­len­dir­ýän­di­gi­ni hem ýat­dan çy­kar­ma­ly däl.
Güýz­de sport bi­len meş­gul­lan­ma­gy do­wam et­dir­me­li, ýö­ne ho­wa­nyň üýt­ge­me­gi se­bäp­li aşa tür­gen­leş­mek­den sak­lan­ma­ly. Be­de­ni­ňiz­de agy­ry du­ýan ha­la­ty­ňyz­da maşk et­me­gi bes et­me­li. Ho­wa­nyň aras­sa we gü­neş­li gün­le­ri sport bi­len meş­gul­lan­mak sag­lyk üçin zy­ýan­syz bo­lup, ho­wa şer­ti­ne la­ýyk­lyk­da ge­ýin­me­gi ýat­dan çy­kar­ma­ly däl.

Ma­ral Täç­my­ra­do­wa,
Myrat Garryýew adyndaky Türkmenistanyň Döwlet lukmançylyk uniwersitetiniň Iç keselleri boýunça diplomdan soňky taýýarlyk kafedrasynyň müdiri,
lukmançylyk ylymlarynyň kandidaty.

Gyzykly bolup bilerЕЩЕ ОТ АВТОРА