9-njy sentýabr gijesi Marokkoda 6,9 ball derejede ýer titremesi bolup, köp sanly adam pidalaryna sebäp boldy. Bu barada TASS habarlar gullugy mälim edýär.
Ýewropa-Ortaýer deňziniň seýsmologiýa merkeziniň maglumatlaryna görä, ýer titremesiniň merkezi Marrakeşden 77 kilometr uzaklykda, 10 kilometr çuňlukda boldy. Emele gelen ýagdaý ýaşaýyş jaýlarynyň we dürli desgalaryň weýran bolmagyna getirdi.
Ýer titremeden ejir çeken sebitlerde ykjam aragatnaşyk we elektrik togy bilen baglanyşykly meseleler ýüze çykdy. Halas ediş gulluklary işleýär.
Marrakeşde köçe hassahanasy döredilip, ol ýerde ejir çekenlere ýardam berilýär. Hünärmenler adamlary gan tabşyrmaga çagyrýarlar.
